Jańalyqtar
Shyrsha bezendiremin dep qulaǵan muǵalimge ómir boıy ótemaqy berý usynyldy
Fotokollaj Kyn.kz
Shyrsha bezendiremin dep qulaǵan muǵalimge ómir boıy ótemaqy berý usynyldy, dep jazdy qandastar.kz
Mundaı bastamany depýtat Juldyz Súleımenova kóterip otyr. Sózinshe, Semeıde shyrsha ornatýǵa jáne bezendirýge bólingen qarajat jiti tekserilý qajet. Bıýdjet qarajatyn maqsatsyz paıdalanǵan tulǵalar da jaýapqa tartylǵany jón.
«Zardap shekken muǵalimge tolyq medıınalyq kómek kórsetýdi jáne zańdy ótemaqy tóleýdi, onyń ishinde pedagogtyń alǵan jaraqatyn óndiristik jaraqat dep tanýdy jáne oǵan ómir boıy óndiristik jaraqatqa beriletin tólemdi taǵaıyndaýdy qarastyrýdy suraımyz», – deıdi depýtat.
Májilismender bul oqıǵa Bas prokýratýranyń jeke baqylaýyna alynýy kerek dep esepteıdi. Esterińizde bolsa, 21 jeltoqsanda Semeıde qazaq tili men ádebıeti pániniń muǵalimi Qýat Aıtqalıev ortalyq alańdaǵy jańa jyldyq shyrshany bezendirý kezinde bıiktikten qulap, aýyr jaraqat alǵan bolatyn.
