Sı zınpınniń sapary jáne iskerlik keńes: Astanada úsh kúnge birneshe kóshe jabylady

Foto: Zakon.kz

Astana turǵyndary men qonaqtaryna «Qytaı – Ortalyq Azııa» iskerlik keńesiniń otyrysy kezinde keıbir kóshelerde kólik qozǵalysy ýaqytsha shekteletini eskertildi, dep habarlaıdy qandastar.kz Zakon.kz-ke silteme jasap.

Is-shara 2025 jylǵy 16–18 maýsym aralyǵynda elordada ótedi. Osy kúnderi Qytaı Halyq Respýblıkasynyń tóraǵasy Sı zınpın Astanaǵa resmı saparmen keledi. Sonymen qatar, iskerlik keńeske Ortalyq Azııa elderiniń memleket basshylary qatysady.

«Is-sharaǵa baılanysty 16–18 maýsym aralyǵynda elordadaǵy birqatar kóshede kólik qozǵalysyna ýaqytsha shekteý engiziledi», — dep málimdedi Astana ákimdigi.

Jol qozǵalysy kelesi ýchaskelerde ýaqytsha shekteledi:

• Qabanbaı batyr dańǵyly – Nursultan Nazarbaev halyqaralyq áýejaıynan Máńgilik El dańǵylyna deıin;
• Máńgilik El dańǵyly – Qabanbaı batyr dańǵylynan D. Qonaev kóshesine deıin;
• Qonaev kóshesi – Máńgilik El dańǵylynan Qabanbaı batyr dańǵylyna deıin;
• Qabanbaı batyr dańǵyly – Qorǵaljyń tasjolyna deıin.
  Sondaı-aq, 2025 jylǵy 17 maýsymda kelesi kóshelerde kólik qozǵalysy ýaqytsha shekteledi:
  •  Kereı, Jánibek handar kóshesi – Máńgilik El dańǵylynan Sherhan Murtaza kóshesine deıin;
  • Táýelsizdik dańǵyly – Kereı, Jánibek handar kóshesinen A. Baıtursynuly kóshesine deıin.

  Sonymen qatar, 17 maýsym kúni saǵat 14:00-den 20:30-ǵa deıin Beıbitshilik jáne kelisim saraıy mańyndaǵy Q. Amanjolov jáne J. Nájimedenov kóshelerinde de qozǵalys shekteledi.

  Júrgizýshiler men jaıaý júrginshilerge jol qozǵalysyndaǵy ózgeristerdi eskere otyryp, baǵyttaryn aldyn ala josparlaý eskertildi.

  Qytaı Halyq Respýblıkasynyń tóraǵasy Sı zınpın Astanaǵa Qazaqstan prezıdenti Qasym-Jomart Toqaevtyń shaqyrýymen keledi. Ekijaqty joǵary deńgeıdegi kezdesý barysynda qazaq-qytaı jan-jaqty strategııalyq seriktestigin odan ári tereńdetý máseleleri talqylanbaq.