Sıqyrdyń bar ekenine sene bastadym

Jýrnalıstıkaǵa endi kelgen kezim. Bir kúni Almatyda myqty kóripkel adam bar dep estidim. Ol kisi týraly aıtqandardyń sózine qulaq túrseń, quddy ertegi tyńdaǵandaı bolasyń. Kózińmen kórgenge eshteńe jetpeıdi emes pe? О́z basym mundaıǵa senbeıtinmin, kóreıin, onyń ústine jazarǵa ilik bolsyn dedim. Sodan tańerteń belgili meken-jaıǵa salyp-uryp jetip bardym. Esik aldynda kisi qarasy kóp eken.

Bir ýaqytta adamdardy qabyldaıtyn zaldyń esigi ashylyp, lap qoıǵan jurt jerge maldas quryp, jaǵalaı aınala otyra qaldy (tártip solaı sekildi). Men de bir yńǵaıly orynǵa jaıǵasa kettim. Kóp uzamaı emshi aǵamyz da kelip, topqa qosyldy. Qolyndaǵy taspıyǵyn tarta otyryp, aınalasyna kóz súzgen ol kezek-kezekpen ár adamnyń basyndaǵy jaǵdaıdy tizbekteı bastady. «Áı qyz, seniń basynda «Soverender» ushyp júr ǵoı» dedi et jeńdileý boıjetkenge qarap, qaljyńdaǵan keıip tanytyp. Ol basyn tómenshiktetip, qyzyraqtap qaldy. Soǵan qaraǵanda shynymen de shylymqor bireý sekildi. Negizinen, kóbisi aýrýyna daýa izdegen jandar.

Bir jigitti ornynan turǵyzdy, súre-duǵa oqı bastady. Qolyn sermep edi, bıshikti kókke kóterip aınaldyrǵanda shyǵatyn sýyl dybys paıda boldy. Ana jigit ózdigimen artymen júrip, tórde ústelde turǵan Quran kitaptyń ústine shalqasynan baryp jatty. Kerilgen sol doǵal (mostık) kúıi biraz turdy. Araqqa salynyp ketken eken. «Ishesiń be endi» dep jatty. Men sonda da senbeımin, «myna topqa arnalǵan shoý» dep qoıamyn ishteı. Sony sezgendeı kóripkel: «Aralarynda qalam ustaıtyn bireýiń bar eken ǵoı, sen be» dedi meniń betime úńile. Selk ettim. О́ıtkeni munda baratynymdy eshkim bilmegen, tipti osy araǵa kelgende de ózimniń kim ekenimdi ózgege aıtpaǵanmyn.

Sasqanymnan: «Men taza suqbat alý úshin kelip edim» dedim. Biraq ol meniń kúmán-kúdigimdi sezip turǵandaı basymdaǵy jaǵdaılardy bastyrmalata aıta bastady. Dóp túsip jatyr. Aqyry ózim toqtattym: «Joq, men týraly aıtýdyń keregi emes, aıttym ǵoı jańa, Siz týraly bilý úshin keldim munda» dep. Suqbat alyndy. Keterde ol kisi maǵan eskertý jasady: «Ekinshi márte mundaı jerge barma. Adamdardyń alasy sekildi qasıetti kisilerdiń de neshe túrli minezi bolady. Taǵdyr jazýyń tamasha eken. Sony qyzǵanyp, bireýi búldirip tastaýy múmkin» dedi.

Osy jaıt umtyla bastaǵan. Arasynda kúıeýge shyqtym. Bir kúni balam aýyryp, qazaqy em alýǵa bardyq. Biraq basqa, áıel adamǵa. «Kóz tıgen, jeti kún súre oqımyn, tazalaımyn balańdy» dedi. «Osyndaıǵa senbeýshi edim» dep qaldym men jaıyma otyrmaı. Sodan qaıtarda jolda kóligimiz apatqa ushyraı jazdady, oǵan qosa basym solqyldap qoıa berdi. Úıge kelgen soń dári iship edim, oǵan da basylmady. Sodan jańaǵy emshi áıelge habarlastym. Sóıtsem: «Men ǵoı ony istegen. Duǵaǵa senbeımin dep ediń ǵoı. О́z basynan kórsin dedim, duǵa saldym saǵan», deıdi. «Oıbaı, qurysyn, alyp tastańyz» dep shyryldap qoıa berdim. «Saldym da aldym, qoryqpa» dep basý aıtyp jatyr ol da telefonnyń arǵy jaǵynan. Sodan bastap mundaılarǵa jolaýdy qoıdym. Al bul jazbany men sekildi atalǵan jaǵdaıǵa ústirt qaraıtyndarǵa sabaq bolsyn dep túsirdim. Aıtqandaı, jeti kúnnen keıin balama jara shyqty, kózdiń jarasy…

Qamshy.kz