جاڭالىقتار
ءسىم مالىمدەمە جاسادى
فوتو: اشىق دەرەككوز
تاياۋ شىعىستاعى اسكەري-ساياسي احۋالدىڭ كۇرت كۇردەلەنۋىنە بايلانىستى قازاقستان رەسپۋبليكاسىنىڭ سىرتقى ىستەر مينيسترلىگى قازاقستان ازاماتتارىنا تاياۋ شىعىس ەلدەرىنە بۇرىن جوسپارلانعان بارلىق ساپارلاردى قايتا قاراۋدى قاتاڭ تۇردە ۇسىنادى, – دەپ حابارلايدى qandastar.kz مينيسترلىككە سىلتەمە جاساپ.
قازىرگى ۋاقىتتا جاعداي مەن ىقتيمال تاۋەكەلدەرگە جان-جاقتى باعا بەرىلۋدە, قۇزىرەتتى مەملەكەتتىك ورگاندارمەن جانە شەتەلدىك سەرىكتەستەرمەن ۇيلەستىرىلگەن جۇمىس جۇرگىزىلۋدە.
تاياۋ شىعىس ءوڭىرىنىڭ بىرقاتار ەلدەرىندە اۋە كەڭىستىگىن پايدالانۋعا ۋاقىتشا شەكتەۋلەر ەنگىزىلدى, بۇل حالىقارالىق رەيستەردىڭ توقتاتىلۋىنا جانە كەيىنگە شەگەرىلۋىنە الىپ كەلدى.
وسىعان بايلانىستى ءسىم تاياۋ شىعىس ەلدەرىندە, اسىرەسە قاتار مەن بىرىككەن اراب امىرلىكتەرىندە جۇرگەن قازاقستان ازاماتتارىنا كەلەسى ساقتىق شارالارىن ۇستانۋدى ۇسىنادى:
• سابىر ساقتاپ, جەرگىلىكتى بيلىك ورگاندارى بەلگىلەگەن قاۋىپسىزدىك شارالارىن قاتاڭ ورىنداۋ;
• ادامدار كوپ جينالاتىن ءىس-شارالارعا قاتىسۋدان جانە اسكەري نىساندارعا جاقىنداۋدان اۋلاق بولۋ;
• قابىلداۋشى ەلدەردىڭ رەسمي ورگاندارى مەن قازاقستان وكىلدىكتەرى تاراتقان اقپاراتتى مۇقيات باقىلاۋ;
• بروندالعان رەيستەردىڭ ستاتۋسىن جانە ەلدەن شىعۋ باعىتتارىن تۇراقتى تۇردە ناقتىلاپ وتىرۋ;
• تومەندە كورسەتىلگەن جەدەل بايلانىس ارنالارى ارقىلى قازاقستان رەسپۋبليكاسىنىڭ ەلشىلىكتەرىمەن تىكەلەي بايلانىستا بولۋ.
1. قازاقستاننىڭ قاتارداعى ەلشىلىگى:
+97450649955
+97470910579
kazconsul.doha@gmail.com
doha@mfa.kz
2. قازاقستاننىڭ ءباا-دەگى ەلشىلىگى ء(ابۋ دابي ق.):
+97124498778
+971503629805
abudhabi@mfa.kz
3. قازاقستاننىڭ دۋبايداعى باس كونسۋلدىعى:
+971556103341
+971505701978
dubai@mfa.kz
4. قر سىرتقى ىستەر مينيسترلىگى:
+7 (7172) 72 05 00
تاياۋ شىعىس ەلدەرىندەگى سىرتقى ىستەر مينيسترلىگىنىڭ بارلىق ديپلوماتيالىق وكىلدىكتەرى شتاتتىق رەجيمدە جۇمىس ىستەۋدە, جاعدايدىڭ دامۋىن ۇنەمى باقىلاۋدا ۇستاپ, قازاقستان ازاماتتارىنا قاجەتتى كونسۋلدىق-قۇقىقتىق كومەكتى تاۋلىك بويى كورسەتۋدى جالعاستىرۋدا.
