SIM málimdeme jasady

Foto: ashyq derekkóz

Taıaý Shyǵystaǵy áskerı-saıası ahýaldyń kúrt kúrdelenýine baılanysty Qazaqstan Respýblıkasynyń Syrtqy ister mınıstrligi Qazaqstan azamattaryna Taıaý Shyǵys elderine buryn josparlanǵan barlyq saparlardy qaıta qaraýdy qatań túrde usynady, – dep habarlaıdy qandastar.kz mınıstrlikke silteme jasap.

Qazirgi ýaqytta jaǵdaı men yqtımal táýekelderge jan-jaqty baǵa berilýde, quzyretti memlekettik organdarmen jáne sheteldik seriktestermen úılestirilgen jumys júrgizilýde.

Taıaý Shyǵys óńiriniń birqatar elderinde áýe keńistigin paıdalanýǵa ýaqytsha shekteýler engizildi, bul halyqaralyq reısterdiń toqtatylýyna jáne keıinge shegerilýine alyp keldi.

Osyǵan baılanysty SIM Taıaý Shyǵys elderinde, ásirese Qatar men Birikken Arab Ámirlikterinde júrgen Qazaqstan azamattaryna kelesi saqtyq sharalaryn ustanýdy usynady:

• sabyr saqtap, jergilikti bılik organdary belgilegen qaýipsizdik sharalaryn qatań oryndaý;

• adamdar kóp jınalatyn is-sharalarǵa qatysýdan jáne áskerı nysandarǵa jaqyndaýdan aýlaq bolý;

• qabyldaýshy elderdiń resmı organdary men Qazaqstan ókildikteri taratqan aqparatty muqııat baqylaý;

• brondalǵan reısterdiń statýsyn jáne elden shyǵý baǵyttaryn turaqty túrde naqtylap otyrý;

• tómende kórsetilgen jedel baılanys arnalary arqyly Qazaqstan Respýblıkasynyń elshilikterimen tikeleı baılanysta bolý.

1. Qazaqstannyń Qatardaǵy elshiligi:

+97450649955

+97470910579

kazconsul.doha@gmail.com

doha@mfa.kz

2. Qazaqstannyń BAÁ-degi elshiligi (Ábý Dabı q.):

+97124498778

+971503629805

abudhabi@mfa.kz

3. Qazaqstannyń Dýbaıdaǵy bas konsýldyǵy:

+971556103341

+971505701978

dubai@mfa.kz

4. QR Syrtqy ister mınıstrligi:

+7 (7172) 72 05 00

Taıaý Shyǵys elderindegi Syrtqy ister mınıstrliginiń barlyq dıplomatııalyq ókildikteri shtattyq rejımde jumys isteýde, jaǵdaıdyń damýyn únemi baqylaýda ustap, Qazaqstan azamattaryna qajetti konsýldyq-quqyqtyq kómekti táýlik boıy kórsetýdi jalǵastyrýda.