جاڭالىقتار
«ءسىڭىلىم جەزدەم ءىش كيىمىمدى تارتتى دەدى»: ءوز كۇيەۋىن «پەدوفيل» دەپ ايىپتاعان بلوگەر سۇحبات بەردى
فوتو: جەكە مۇراعات
ماعان ۇيلەنبەي تۇرىپ, 15-16 جاستاعى قىزدارعا جازىپ, كەزدەسۋگە شاقىرعان دەيدى قۇلپىناي, دەپ جازدى qandastar.kz
SMARTNEWS.KZ باسىلىمىنىڭ حابارلاۋىنشا, كۇيەۋىن «پەدوفيل» دەپ ايىپتاعان بلوگەر قۇلپىناي قانات ەل بىلمەيتىن شىندىقتى جايىپ سالدى بلوگەر كۇيەۋىنە قاتىستى تىڭ مالىمەتتى جۋرناليست رۋسلان وتەپبايعا ايتىپ بەردى. “قوعامدا رەزونانس تۋدىرعان وتباسىنداعى ماسەلەنى ايتقىم كەلگەن جوق. بىراق ەكى قىزدىڭ تاعدىرىنا الاڭدادىم. ولار ەرتەڭ ويناپ ءجۇرىپ, وت باسىپ قالسا, ءومىر بويى ءوزىمدى كىنالاپ وتەمىن دەپ ويلادىم. الدىمەن, پەدوفيل دەگەن ءسوزدىڭ ماعىناسىن ينتەرنەتتەن وقىپ الدىم. سويتسەم, مەنىڭ باسىمنان ءوتىپ جاتقان جاعدايمەن قاتتى ۇقساس. قولعانات بالالارمەن كونتەنت ءتۇسىرىپ باستاعاندا ونى ساقتاندىرعانبىز. “جامان نارسەگە ۇرىنىپ قالارسىڭ.
جۇمىسىڭدا كامەرا دا جوق” دەپ ايتتىق. بىراق ول قويمادى. ارتى وسىنداي ۇيات تىرلىككە سوقتىردى. ونسىزدا قوعامدا قانشاما ادىلەتسىزدىكتەر بولىپ, ارتى اقشاسى كوپ ادامداردىڭ پايداسىنا شەشىلىپ جاتىر. مەنىڭ ەشكىمىم جوق. بىراق شىندىقتى ايتىپ, ءجاسوسپىرىم تاربيەلەپ وتىرعان اتا-انالاردى ساقتاندىرعىم كەلدى”, – دەپ اقتالدى بلوگەر. سونداي-اق كۇيەۋىنىڭ وعاش ارەكەتتەرىن تۋىسقاندارى دا ايتىپ, ەسكەرتۋ جاساعان. “قولعاناتتىڭ كامەلەت جاسقا تولماعان بالالارعا تيىسەتىنىن بىلگەننەن كەيىن, ماعان نەشە ءتۇرلى حات كەلدى. وسىدان ءبىر جارىم جىل بۇرىن ءبىر تۋىسقان ءسىڭلىم “قۇلپىناي اپكە, جەزدەم ارقامدى سيپالاپ, ءىش كيىمىمدى تارتتى” دەدى. مەنىڭ ويىمدا ەشتەڭە بولعان جوق. وعان ءمان دە بەرگەن جوقپىن. ودان كەيىن ەكى قىزدىڭ قۇربىسى بولعان قىزدار دا جازا باستادى. ماعان ۇيلەنبەي تۇرىپ, 15-16 جاستاعى قىزدارعا جازىپ, كەزدەسۋگە شاقىرعان. ءتىپتى, تيىسكەنىنە دەيىن ايتىپ بەردى. ول قىزدار جاسىرىپ قالعان”, – دەدى جەلى جۇلدىزى.
