«Sińilim jezdem ish kıimimdi tartty dedi»: О́z kúıeýin «pedofıl» dep aıyptaǵan bloger suhbat berdi

Foto: jeke muraǵat

Maǵan úılenbeı turyp, 15-16 jastaǵy qyzdarǵa jazyp, kezdesýge shaqyrǵan deıdi Qulpynaı, dep jazdy qandastar.kz

SMARTNEWS.KZ basylymynyń habarlaýynsha, kúıeýin «pedofıl» dep aıyptaǵan bloger Qulpynaı Qanat el bilmeıtin shyndyqty jaıyp saldy Bloger kúıeýine qatysty tyń málimetti jýrnalıst Rýslan О́tepbaıǵa aıtyp berdi.  “Qoǵamda rezonans týdyrǵan otbasyndaǵy máseleni aıtqym kelgen joq. Biraq eki qyzdyń taǵdyryna alańdadym. Olar erteń oınap júrip, ot basyp qalsa, ómir boıy ózimdi kinálap ótemin dep oıladym. Aldymen, pedofıl degen sózdiń maǵynasyn ınternetten oqyp aldym. Sóıtsem, meniń basymnan ótip jatqan jaǵdaımen qatty uqsas. Qolǵanat balalarmen kontent túsirip bastaǵanda ony saqtandyrǵanbyz. “Jaman nársege urynyp qalarsyń.

Jumysyńda kamera da joq” dep aıttyq. Biraq ol qoımady. Arty osyndaı uıat tirlikke soqtyrdy. Onsyzda qoǵamda qanshama ádiletsizdikter bolyp, arty aqshasy kóp adamdardyń paıdasyna sheshilip jatyr. Meniń eshkimim joq. Biraq shyndyqty aıtyp, jasóspirim tárbıelep otyrǵan ata-analardy saqtandyrǵym keldi”, – dep aqtaldy bloger.  Sondaı-aq kúıeýiniń oǵash áreketterin týysqandary da aıtyp, eskertý jasaǵan.  “Qolǵanattyń kámelet jasqa tolmaǵan balalarǵa tıisetinin bilgennen keıin, maǵan neshe túrli hat keldi. Osydan bir jarym jyl buryn bir týysqan sińlim “Qulpynaı ápke, jezdem arqamdy sıpalap, ish kıimimdi tartty” dedi. Meniń oıymda eshteńe bolǵan joq. Oǵan mán de bergen joqpyn. Odan keıin eki qyzdyń qurbysy bolǵan qyzdar da jaza bastady. Maǵan úılenbeı turyp, 15-16 jastaǵy qyzdarǵa jazyp, kezdesýge shaqyrǵan. Tipti, tıiskenine deıin aıtyp berdi. Ol qyzdar jasyryp qalǵan”, – dedi jeli juldyzy.