سينوپتيكتەر اۋا رايىنا بايلانىستى ەسكەرتۋ جاسادى

فوتو:اسەت كۋنداكباەۆ

«قازگيدرومەت» رمك 11 قىركۇيەككە ارنالعان اۋا رايى بولجامىن ۇسىندى. سينوكتيكتەردىڭ بولجامىنشا, ەلىمىزدىڭ باسىم بولىگىندە نوسەر جاۋىن جاۋىپ, داۋىل بولادى, دەپ حابارلايدى qandastar.kz

«قازاقستاننىڭ باسىم بولىگىندەگى اۋا رايىن تسيكلون جانە ونىمەن بايلانىستى اتموسفەرالىق فرونتالدى بولىكتەر ايقىندايتىن بولادى: نايزاعاي ويناپ, جاڭبىر جاۋادى, رەسپۋبليكامىزدىڭ سولتۇستىگىندە, شىعىسىندا, ورتالىعىندا نوسەر جاڭبىر جاۋادى, بۇرشاق تۇسەدى, داۋىل تۇرادى. رەسپۋبليكا بويىنشا بەلەڭ الاتىن ورتاق تابيعي قۇبىلىس — جەلدىڭ ەكپىن الۋى, باتىستا, سولتۇستىكتە, شىعىستا, ورتالىقتا تۇندە جانە تاڭەرتەڭ تۇمان تۇسەدى دەپ بولجانادى», — دەپ حابارلايدى «قازگيدرومەت» سينوپتيكتەرى.

سونداي-اق رەسپۋبليكانىڭ بىرقاتار وڭىرلەرىندە كەلەسىدەي قاۋىپتى تابيعي قۇبىلىستار كۇتىلەدى:

ءورت قاۋپى جوعارى — جەتىسۋ وبلىسىنىڭ سولتۇستىگىندە, شىعىسىندا, الماتى وبلىسىنىڭ وڭتۇستىگىندە, شىعىسىندا, قاراعاندى وبلىسىنىڭ سولتۇستىگىندە, اقمولا وبلىسىنىڭ سولتۇستىك-باتىسىندا, باتىس قازاقستان وبلىسىنىڭ وڭتۇستىگىندە, شىعىسىندا, اتىراۋ ءوڭىرىنىڭ باتىسىندا, اقتوبە وبلىسىنىڭ باتىسىندا, ورتالىعىندا, قوستاناي وبلىسىنىڭ وڭتۇستىك-شىعىسىندا, ۇلىتاۋ وبلىسىنىڭ شىعىسىندا;
توتەنشە ءورت قاۋپى — الماتى, تۇركىستان, قىزىلوردا, ماڭعىستاۋ, اتىراۋ, جامبىل, جەتىسۋ وبلىستارىندا, وبلىسىندا, باتىس قازاقستان وبلىسىنىڭ باتىسىندا, قوستاناي ءوڭىرىنىڭ وڭتۇستىك-باتىسىندا, قاراعاندى وبلىسىنىڭ وڭتۇستىگىندە, اقتوبە وبلىسىنىڭ شىعىسىندا, ۇلىتاۋ وبلىسىنىڭ وڭتۇستىگىندە.