Sınoptıkter aýa raıyna baılanysty eskertý jasady

Foto:Aset Kýndakbaev

«Qazgıdromet» RMK 11 qyrkúıekke arnalǵan aýa raıy boljamyn usyndy. Sınoktıkterdiń boljamynsha, elimizdiń basym bóliginde nóser jaýyn jaýyp, daýyl bolady, dep habarlaıdy qandastar.kz

«Qazaqstannyń basym bóligindegi aýa raıyn ıklon jáne onymen baılanysty atmosferalyq frontaldy bólikter aıqyndaıtyn bolady: naızaǵaı oınap, jańbyr jaýady, respýblıkamyzdyń soltústiginde, shyǵysynda, ortalyǵynda nóser jańbyr jaýady, burshaq túsedi, daýyl turady. Respýblıka boıynsha beleń alatyn ortaq tabıǵı qubylys — jeldiń ekpin alýy, batysta, soltústikte, shyǵysta, ortalyqta túnde jáne tańerteń tuman túsedi dep boljanady», — dep habarlaıdy «Qazgıdromet» sınoptıkteri.

Sondaı-aq respýblıkanyń birqatar óńirlerinde kelesideı qaýipti tabıǵı qubylystar kútiledi:

órt qaýpi joǵary — Jetisý oblysynyń soltústiginde, shyǵysynda, Almaty oblysynyń ońtústiginde, shyǵysynda, Qaraǵandy oblysynyń soltústiginde, Aqmola oblysynyń soltústik-batysynda, Batys Qazaqstan oblysynyń ońtústiginde, shyǵysynda, Atyraý óńiriniń batysynda, Aqtóbe oblysynyń batysynda, ortalyǵynda, Qostanaı oblysynyń ońtústik-shyǵysynda, Ulytaý oblysynyń shyǵysynda;
tótenshe órt qaýpi — Almaty, Túrkistan, Qyzylorda, Mańǵystaý, Atyraý, Jambyl, Jetisý oblystarynda, oblysynda, Batys Qazaqstan oblysynyń batysynda, Qostanaı óńiriniń ońtústik-batysynda, Qaraǵandy oblysynyń ońtústiginde, Aqtóbe oblysynyń shyǵysynda, Ulytaý oblysynyń ońtústiginde.