سينوپتيكتەر اۋا رايىنا قاتىستى مالىمدەمە جاسادى

فوتو: ru.freepik.com

سينوپتيكتەر 2025 جىلعى 12 مامىرعا ارنالعان سينوپتيكالىق جاعداي مەن قازاقستانداعى اۋا رايىنىڭ قاۋىپتى قۇبىلىستارى بويىنشا ءوز بولجامدارمەن ءبولىستى, دەپ حابارلايدى qandastar.kz

دۇيسەنبىدە ەلىمىزگە وڭتۇستىك تسيكلون جانە ونىمەن بايلانىستى جىلجىعان اتموسفەرالىق فرونتالدى بولىكتەر اسەر ەتەتىن بولادى. بۇل قازاقستان اۋماعىنىڭ باسىم بولىگىندە اۋا رايىنىڭ تۇراقسىز سيپاتىنىڭ قالىپتاسۋىنا الىپ كەلەدى.

نايزاعاي ويناپ, بۇرشاق تۇسەدى, جەل ەكپىن الىپ, جاڭبىر جاۋادى دەپ كۇتىلەدى, تۇندە باتىس وڭىردە نوسەر جاڭبىر جاۋادى. تەك ەلىمىزدىڭ وڭتۇستىگىندە جانە ورتالىعىندا اۋا رايى نەگىزىنەن جاۋىن-شاشىنسىز بولادى, — دەيدى «قازگيدرومەت» رمك.

تۇندە جانە تاڭەرتەڭ ەلىمىزدىڭ سولتۇستىگىندە, شىعىسىندا, ورتالىعىندا جانە وڭتۇستىك-باتىسىندا تۇمان بولادى دەپ كۇتىلەدى.

بىراق ماڭعىستاۋ جانە اقتوبە وبلىستارىندا قاتتى ىستىق بولادى دەپ بولجانادى. تەرمومەتر باعانى كۇندىز +35 + 38 گرادۋس ىستىققا دەيىن كوتەرىلەدى.

ماڭعىستاۋ, قاراعاندى, جەتىسۋ, تۇركىستان, ۇلىتاۋ وبلىستارىندا, اباي وبلىسىنىڭ باتىسىندا, سولتۇستىگىندە, وڭتۇستىگىندە, جامبىل وبلىسىنىڭ سولتۇستىگىندە, وڭتۇستىك-شىعىسىندا, الماتى وبلىسىنىڭ سولتۇستىگىندە, باتىسىندا, اتىراۋ وبلىسىنىڭ وڭتۇستىگىندە, باتىسىندا, اقتوبە وبلىسىنىڭ وڭتۇستىگىندە, پاۆلودار وبلىسىنىڭ وڭتۇستىك جارتىسىندا, قوستاناي ءوڭىرىنىڭ وڭتۇستىگىندە, سولتۇستىك-باتىسىندا, شىعىس قازاقستان وبلىسىنىڭ وڭتۇستىگىندە, اقمولا وبلىسىنىڭ باتىسىندا, وڭتۇستىگىندە, شىعىسىندا ءورت قاۋپى جوعارى بولادى دەپ كۇتىلەدى.

قىزىلوردا, تۇركىستان وبلىستارىندا, باتىستا, جامبىل وبلىسىنىڭ باتىسىندا, الماتى وبلىسىنىڭ ورتالىعىندا, جەتىسۋ وبلىسىنىڭ باتىسىندا توتەنشە ءورت قاۋپى كۇتىلەدى.