سينوپتيكتەر قاتتى اياز بولاتىنىن حابارلادى

فوتو: istockphoto.com

9 جەلتوقساندا قازاقستاننىڭ بىرقاتار وڭىرىندە داۋىلدى ەسكەرتۋ جاريالاندى, دەپ جازدى qandastar.kz

استانادا كۇندىز كەي ۋاقىتتا تۇمان كۇتىلەدى.

اقمولا وبلىسىنىڭ باتىسىندا, سولتۇستىگىندە جانە شىعىسىندا دا تۇمان ساقتالادى.

الماتى وبلىسىنىڭ وڭتۇستىگى مەن تاۋ بوكتەرلەرىندە تۇمان كۇتىلەدى.

تۇركىستان وبلىسىنىڭ تاۋ بوكتەرلەرىندە جاياۋ بۇرقاسىن بولجانۋدا. باتىس, وڭتۇستىك, سونداي-اق تاۋ جانە تاۋ ەتەگىندەگى اۋدانداردا تۇمان كۇتىلەدى. جەل شىعىستان سوعادى, تاۋ اۋداندارىندا ەكپىنى سەكۋندىنا 15-20 مەترگە جەتەدى. شىمكەنت پەن تۇركىستاندا كەي ۋاقىتتاردا تۇمان بولادى.

اباي وبلىسىنىڭ سولتۇستىگى مەن شىعىسىندا قار جاۋىپ, جاياۋ بۇرقاسىن بولادى دەپ كۇتىلۋدە. جەل سولتۇستىك-شىعىستان سەكۋندىنا 15-20 مەتر جىلدامدىقپەن سوعادى. اۋا تەمپەراتۋراسى كۇرت تومەندەيدى: تۇندە -5…-10 گرادۋستان -18…-23 گرادۋسقا دەيىن, باتىسى مەن سولتۇستىك-باتىسىندا كەي جەرلەردە -27 گرادۋسقا دەيىن, شىعىسىندا -30 گرادۋسقا دەيىن سۋىتادى.

اقتوبە وبلىسىنىڭ وڭتۇستىگى مەن ورتالىق بولىگىندە تۇمان كۇتىلەدى.

اتىراۋ وبلىسىنىڭ باتىسى مەن وڭتۇستىگىندە وڭتۇستىك-شىعىستان سوققان جەلدىڭ ەكپىنى سەكۋندىنا 15-20 مەترگە جەتەدى.

شىعىس قازاقستان وبلىسىندا تۇندە قار جاۋىپ, سولتۇستىگى مەن شىعىسىندا قالىڭ قار كۇتىلەدى, كۇندىز دە قار جاۋى جالعاسادى. بۇرقاسىن بولجانۋدا. جەل سولتۇستىك-شىعىستان سەكۋندىنا 15-20 مەتر جىلدامدىقپەن سوعادى. اۋا تەمپەراتۋراسى تۇندە -4…-9 گرادۋستان -18…-23 گرادۋسقا دەيىن, شىعىسىندا -30 گرادۋسقا دەيىن تومەندەيدى.

جامبىل وبلىسىنىڭ تاۋ بوكتەرلەرىندە جاياۋ بۇرقاسىن بولادى. وڭتۇستىگى مەن تاۋ بوكتەرلەرىندە تۇمان كۇتىلەدى. جەل سولتۇستىك-شىعىستان سوعىپ, كەي جەرلەردە سەكۋندىنا 15-20 مەترگە دەيىن جەتەدى. تاراز قالاسىندا كەي ۋاقىتتاردا تۇمان بولجانۋدا.

جەتىسۋ وبلىسىنىڭ شىعىسى مەن تاۋ بوكتەرلەرىندە تۇمان كۇتىلەدى. الاكول كولدەرى اۋدانىندا وڭتۇستىك-باتىستان سوققان جەلدىڭ ەكپىنى سەكۋندىنا 15-20 مەترگە جەتەدى.

باتىس قازاقستان وبلىسىنىڭ سولتۇستىگى مەن شىعىسىندا تۇمان كۇتىلەدى. ورال قالاسىندا تۇندە جانە تاڭەرتەڭ تۇمان ساقتالادى.

قاراعاندى وبلىسىندا اۋا تەمپەراتۋراسى كۇرت تومەندەيدى: تۇندە -12…-17 گرادۋس, سولتۇستىگىندە -20 گرادۋسقا دەيىن, وڭتۇستىگىندە -6 گرادۋستان -22…-27 گرادۋسقا دەيىن, كەي جەرلەردە -18 گرادۋس بولادى.

قوستاناي وبلىسىنىڭ شىعىسى مەن وڭتۇستىگىندە تۇمان بولجانۋدا.

قىزىلوردا وبلىسىنىڭ سولتۇستىگى مەن ورتالىق بولىگىندە كەي ۋاقىتتاردا تۇمان كۇتىلەدى. قىزىلوردا قالاسىندا تۇمان بولادى دەپ بولجانۋدا.

ماڭعىستاۋ وبلىسىندا وڭتۇستىك-شىعىستان سوعاتىن جەلدىڭ ەكپىنى باتىس, وڭتۇستىك جانە ورتالىق بولىكتەرىندە سەكۋندىنا 17-22 مەترگە جەتەدى. اقتاۋ قالاسىندا دا وڭتۇستىك-شىعىستان جەل سوعىپ, ەكپىنى سەكۋندىنا 17-22 مەترگە دەيىن كۇشەيەدى.

سولتۇستىك قازاقستان وبلىسىنىڭ سولتۇستىگى مەن شىعىسىندا تۇمان كۇتىلەدى.