الەم جاڭالىقتارى
سيريانىڭ پرەزيدەنتى ەلدەن كەتتى
فوتو: اشىق دەرەككوز
سيريالىق كوتەرىلىسشىلەر ەل استاناسىنا باسىپ كىرىپ, ۇكىمەتتىك كۇشتەردىڭ پوزيتسياسىنا ءىرى شابۋىل جاسادى. قاراشا ايىنىڭ سوڭىنا قاراي باستالعان كوتەرىلىس ناتيجەسىندە ەلدىڭ بىرنەشە قالاسى باقىلاۋعا الىندى. پرەزيدەنت باشار اساد داماسك حالىقارالىق اۋەجايىنان «بەلگىسىز باعىتقا ۇشىپ كەتكەن», دەپ جازادى qandastar.kz
بۇل تۋرالى Reuters پەن Al Hadath اقپاراتتىق اگەنتتىكتەرى حابارلادى. ءتيىستى مالىمەتتى ەلدىڭ ادام قۇقىعى جونىندەگى باقىلاۋ ورتالىعى (SOHR) دا راستاپ وتىر.
كوتەرىلىسشىلەر داماسك ماڭىنداعى سايەدنايا تۇرمەسىنەن مىڭداعان تۇتقىندى بوساتقانىن مالىمدەدى. تۇرمە 2011 جىلى ەلدە ازاماتتىق سوعىس باستالعاننان بەرى جاپپاي ازاپتاۋ مەن ءولىم جازاسى كەسىلەتىن ورىنعا اينالعان.
59 جاستاعى باشار اساد 2000 جىلدان بەرى سيريانى باسقاردى. وعان دەيىن اكەسى حافەز اساد 30 جىل بويى بيلىكتە وتىردى.
