جاڭالىقتار
سيۆي ماحمۋدي كۇيەۋىنە قاتىستى شىندىقتى ايتتى
فوتو: اشىق دەرەككوز
ءانشى سيۆي ماحمۋدي جۋرناليست اننا دانچەنكومەن سۇحبات بارىسىندا كۇيەۋىنە قاتىستى بارلىق شىندىقتى ايتتى, دەپ حابارلايدى Qandastar.kz.
ءانشى اجىراسىپ كەتكەنىنە 4 جىل بولسا دا, قازىر مۇلدەم ارالاسپايتىن ەكس-كۇيەۋىنىڭ جانىندا ءوزىنىڭ ەسىمى اتالاتىنىنا رەنجيتىنىن جەتكىزدى.
– مەن قازىر ول كىسىمەن مۇلدەم ارالاسپايمىز. بالالارمەن دە حابارلاسپايدى. ەندى كەپ «سيۆي ءماحمۋديدىڭ بۇرىنعى كۇيەۋىنە ىزدەۋ جاريالاندى» دەگەن اقپارات شىعىپ, مەنى قويشى بالالارىمنىڭ پسيحولوگياسىنا زيان كەلىپ جاتقانىنا ناليمىن. مەنىمەن اجىراسقاننان كەيىن دە ول ەكى بالاسى بار ايەلگە ۇيلەنگەنىنەن دە حاباردارمىن. قازىر كەيبىر ادامداردىڭ قاتىگەز بولىپ كەتكەنى سونشالىق, ساۋدا ورتالىعىندا دەمالىپ جۇرگەن بالالارىما ءبىر كىسىلەر جاقىنداپ كەلىپ, سەنىڭ اكەڭ ەمەس پە دەپ كورسەتكەن. سول كەزدە بالالارىم ءوزىنىڭ تۋعان اكەسى «وگەي» بالالارىنا بالمۇزداق اپەرگەنىن كورگەن, – دەدى ءانشى.
سيۆي ماحمۋدي قازىر الماتى قالاسىنان گورى شىمكەنتتە كوبىرەك جۇرەتىنىن ايتتى. ءتىپتى شىم قالاعا باۋىر باسىپ كەتكەنىن دە جاسىرمادى.
