سيۆي ماحمۋديدىڭ بۇرىنعى كۇيەۋىنە ىزدەۋ جاريالاندى

فوتو: اشىق دەرەككوز

تانىمال ءانشى سيۆي ماحمۋديدىڭ بۇرىنعى كۇيەۋى اڭسار قاجىمۇحان ۇلىنا ىزدەۋ جاريالاندى. بۇل تۋرالى  qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

جاڭالىقتى سىبايلاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتى مالىمدەدى.

“قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتى ىزدەۋدى جۇرگىزىپ جاتىر, – دەپ جازدى قۇقىقتىق ستاتيستيكا جانە ارنايى ەسەپكە الۋ پورتالى.

Stan.kz ءتىلشىسى مان-جايدى بىلمەك بولىپ, ونەر يەسىنە حابارلاستى. الايدا تۇتقانى ءانشىنىڭ ديرەكتورى الىپ, ءتۇسىندىرىپ بەردى.

“ول كىسى دە جاڭالىقتاردان ەستىدى. بىراق ەكەۋى بەس جىلدان بەرى بىرگە تۇرمايدى. ول ادامنىڭ نە ىستەپ جۇرگەنىندە شارۋاسى جوق. بۇرىنعى ءومىرى”, – دەپ قىسقا قايىردى ارت-ديرەكتور.

ەسكە سالايىق, «كۇيەۋىم كوشەنىڭ ادامى بولدى» دەپ سيۆي ماحمۋدي بالالارىنىڭ اكەسىمەن اجىراسىپ كەتكەنىن راستاعان ەدى.