Sıvı Mahmýdıdyń burynǵy kúıeýine izdeý jarııalandy

Foto: ashyq derekkóz

Tanymal ánshi Sıvı Mahmýdıdyń burynǵy kúıeýi Ańsar Qajymuhanulyna izdeý jarııalandy. Bul týraly  qandastar.kz Stan.kz aqparat agenttigine silteme jasap habarlaıdy.

Jańalyqty sybaılas jemqorlyqqa qarsy is-qımyl agenttiginiń Astana qalasy boıynsha departamenti málimdedi.

“Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Astana qalasy boıynsha departamenti izdeýdi júrgizip jatyr, – dep jazdy Quqyqtyq statıstıka jáne arnaıy esepke alý portaly.

Stan.kz tilshisi mán-jaıdy bilmek bolyp, óner ıesine habarlasty. Alaıda tutqany ánshiniń dırektory alyp, túsindirip berdi.

“Ol kisi de jańalyqtardan estidi. Biraq ekeýi bes jyldan beri birge turmaıdy. Ol adamnyń ne istep júrgeninde sharýasy joq. Burynǵy ómiri”, – dep qysqa qaıyrdy art-dırektor.

Eske salaıyq, «Kúıeýim kósheniń adamy boldy» dep Sıvı Mahmýdı balalarynyń ákesimen ajyrasyp ketkenin rastaǵan edi.