«Siz ajyrastyrdyńyz deıdi»: Qaırat Nurtastyń eks-dırektory bar shyndyqty aıtyp berdi

Foto: skrınshot

Qaırat Nurtaspen 16 jyl birge jumys istegen Mıra Kelimbetova ózine qatysty qaýesetke núkte qoıdy. Qazaq estradasynda oıyp oryn alǵan ánshiniń burynǵy dırektory Aıdarbekovter áýletine alǵysyn bildirip, ne sebepti jumysyn toqtatqanyn túsindirdi, dep jazady KAZ.NUR.KZ.

Mıra Kelimbetova óz mansabyna qatysty YouTube jelisinde Asmıra Ermekqyzyna bergen suqbatynda baıandap berdi. Ol áńgime barysynda jumystan ketýine jeke ómiri sebep bolǵanyn alǵa tartty.

«Jeke ómirimde bir jaǵdaı boldy, men ony aıta almaımyn. Qazir sol jaǵdaıǵa raqmet deımin, óıtkeni meni oıatqan sol. О́mirimde sondaı jaǵdaı bolyp jatqan soń Qaıratpen jumysty toqtatamyn degen sheshim shyǵaryp, ózim kettim. Ol jerde aqshanyń esh qatysy joq. О́zimdi tanyǵym keldi, ózimmen aınalysqym keldi.

«Mundaı jaǵdaı ómirimde bekerden-beker bolǵan joq. Qudaı maǵan birnárse túsindirgisi, úıretkisi kelip tur. Men sony túsinýim kerek, bilýim kerek» degen sheshim shyǵardym. Eshkimniń eshqandaı kinási joq», — dedi ol.

Osy tusta Mıra Kelimbetova Aıdarbekovter áýletine alǵys aıtýdy umytqan joq.

«Ol kisilerge shyn júregimmen alǵysymdy aıtamyn. Qaıratqa da, Gúlekeńe de, Nurekeńe de, bárine alǵys. О́mirimniń jańa deńgeıge shyǵýy úshin sol ortada, sol otbasynda, shoý-bıznes salasynda júrgenime raqmet aıtamyn. Qaırat maǵan raqmet aıtty. Ol áli kúnge deıin «Qalyń qalaı? Bári durys pa?» dep jazyp turady. Baýyr sııaqty bolyp ketkenbiz. Men oǵan dos retinde, zamandas retinde árdaıym tilekshimin», — dedi ol.

Ánshiniń eks-dırektory ózine Qaırat Nurtastyń jeke ómirine qatysty hattar keletinin de jasyrmady.

«Jurt neshe túrlini oılap tabady. Maǵan «Zańǵar men Jibekti ajyrastyrǵan siz ekensiz», «Qaırat pen Juldyzdy siz ajyrastyrypsyz» dep jazǵan. Men bireý men bireýdi ajyrastyratyn Qudaımyn ba?», — dedi ol.

Qazir Mıra Kelimbetova shoý-bıznesten alshaqtap, basqa salaǵa bet burǵan.