«Sizge gúl jiberdi». Alaıaqtar WhatsApp akkaýntyn buzýdyń jańa tásilin oılap tapty

Foto: Kórneki sýret

Tártip saqshylary alaıaqtar jalǵan habarlama jiberip, kod suraý arqyly WhatsApp akkaýnt buzýdyń jańa tásilin oılap tapqanyn eskertedi, – dep habarlaıdy qandastar.kz Massaget.kz silteme jasap.

Bul týraly tártip saqshysy alau.kz saıtyna aıtyp bergen.

«Sizge bireý gúl jiberdi, rastaý úshin kodty aıtyńyz» dep habarlasatyn nemese habarlama jazatyn alaıaqtar osylaısha áleýmettik jelidegi akkaýntyńyzdy buzyp, tanystaryńyzdan qaryzǵa aqsha suraıtyn bolǵan.

«Telefonyńyzǵa «tapsyrysty jetkizý» degen habarlama kelýi múmkin nemese beıtanys nómirden qońyraý shalýy múmkin. «Sizge bireý gúl jiberdi, qabyldaý úshin rastańyz, silteme arqyly ótińiz, kelisim berińiz» degen túrli mazmunda hat jazýy múmkin. Osylaısha, gúldi alý úshin silteme arqyly ótýge nemese sms-kod aıtýǵa ótinish jasaıdy. Eger osyndaı oqıǵaǵa tap bolsańyz, alaıaqtyń arbaýyna túsip, aıtqanyn istemeńiz. Osylaı alaıaqtar siltemeler arqyly jeke derekterge qol jetkizedi», – dep málimdedi Qostanaı oblysy Polıııa departamentiniń Ońtústik bólimi basshysynyń orynbasary Damır Raısov.