جاڭالىقتار
«سىزگە سالەمدەمە كەلدى»: پوليتسيا الاياقتىقتىڭ جاڭا ءتۇرى پايدا بولعانىن ەسكەرتتى
فوتو: kras.mk.ru
پاۆلودار وبلىسىندا ۇيالى تەلەفونعا نەمەسە WhatsApp قوسىمشاسىنا قوڭىراۋ شالىپ, ءوزىن «قازپوشتا» قىزمەتكەرى رەتىندە تانىستىراتىن الاياقتار پايدا بولعان. ولار سىزگە ينتەرنەت-دۇكەننەن سالەمدەمە كەلگەنىن, ونى الۋ ءۇشىن SMS-كود جازۋ كەرەگىن ايتادى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
ارتىنشا الاياقتار تەلەفونعا قايتا قوڭىراۋ شالىپ, وزدەرىن ءتارتىپ ساقشىلارى نەمەسە بانكتىڭ قاۋىپسىزدىك قىزمەتكەرى رەتىندە تانىستىرادى. سونداي-اق وزىنەن بۇرىن الاياقتاردىڭ قوڭىراۋ شالىپ, SMS-كود سۇراپ, نەسيە راسىمدەمەك بولعانىن ايتادى.
«ال الاياقتىقتىڭ الدىن الۋ ءۇشىن ولار وزدەرىنە نەسيە راسىمدەۋدى, الىنعان قاراجاتتى وزدەرى بەرەتىن ءتۇرلى بانكتىك شوتتارعا اۋدارۋدى سۇرايدى”, – دەلىنگەن پوليتسيا حابارلاماسىندا.
پوليتسيا مۇنداي جاعدايلاردا تەلەفونمەن سويلەسۋدى دەرەۋ توقتاتۋ كەرگىن ەسكەرتتى. سونىمەن قاتار بولاشاقتا كۇماندى نومىرلەردەن كەلەتىن قوڭىراۋلارعا جاۋاپ بەرمەۋ قاجەتتىگىن ەسكە سالدى.
“بۇل تۋرالى «102» نەمەسە بانكتىڭ سەنىم تەلەفونىنا حابارلاۋ قاجەت. بانك پەن قۇقىق قورعاۋ ورگاندارىنىڭ قىزمەتكەرلەرى ەشقاشان تەلەفون ارقىلى جۇمىس ىستەمەيدى. ساق بولىڭىز», – دەلىنگەن پوليتسيا حابارلاماسىندا.
ايتا كەتەيىك, بۇعان دەيىن قوستانايلىق ەر ادام بانك دەرەكتەرى, لوگين پەن قۇپياسوزدەردى ساتىپ, ۆيرۋستار تاراتقانى تۋرالى جازعان ەدىك. وسىلايشا كۇدىكتى 1,5 ميلليون تەڭگە تابىس تاپقان ەكەن.
