سكليار قىتايلىقتارمەن كەزدەسۋدە قازاقشا سويلەپ, كوپشىلىكتى ءتانتى ەتتى

فوتو: اقوردا

پرەمەر-ءمينيستردىڭ ءبىرىنشى ورىنباسارى رومان سكليار قىتايلىق بيزنەس وكىلدەرىمەن كەزدەسۋدە قازاقشا سويلەپ, جەلى قولدانۋشىلارىن ءتانتى ەتتى, – دەپ حابارلايدى qandastar.kz

«قازاقستان قىتاي حالىق رەسپۋبليكاسىمەن تىعىز ارىپتەستىكتى جوعارى باعالايدى. ەلدىڭ قارىم-قاتىناسى بەرىك دوستىق, ورتاق تاريح پەن تاتۋ كورشىلىك بايلانىستارىنا نەگىزدەلگەن», –دەدى ر.سكليار.

ايتا كەتەيىك, كۇنى كەشە پرەمەر-ءمينيستردىڭ ءبىرىنشى ورىنباسارى رومان سكليار قىتايداعى ەڭ ءىرى ەلەكتر ەنەرگياسىن وندىرۋشىلەردىڭ ءبىرى بولىپ تابىلاتىن China Datang Corporation Ltd. كومپانياسىنىڭ وكىلدەرىمەن كەزدەستى.

اڭگىمەلەسۋ بارىسىندا رومان سكليار قازاقستان ۇكىمەتىنىڭ ەنەرگەتيكا سالاسىن دامىتۋ, ونىڭ ىشىندە ينۆەستيتسيا تارتۋ بويىنشا اتقارىپ جاتقان جۇمىستارى تۋرالى ايتقان بولاتىن.

ەلەكتر جانە جىلۋ ەنەرگەتيكاسى سالالارىندا جاڭا قۋاتتاردى ەنگىزۋ قاجەتتىگىنە ەرەكشە نازار اۋدارىلدى.