SQO-da bir otbasy ýlanyp, eki bala qaıtys boldy: sebebi anyqtaldy

Soltústik Qazaqstan oblysynda otbasynyń ýlaný sebebi anyqtaldy. Saldarynan eki bala qaza bolǵan edi,-dep habarlaıdy Qandastar.kz

Ýlaný deregi boıynsha polıeıler buǵan deıin «Abaısyzda adamdardyń jappaı ýlanýyna ákep soqqan jáne abaısyzda eki nemese odan da kóp adamnyń ólimine ákep soqtyrǵan sanıtarlyq erejeler men gıgıenalyq normatıvterdi buzý»baby boıynsha tergeýdi bastaǵan edi.

Dúısenbi, 9 shildede otbasynyń nıtrıtterden, ıaǵnı azot qyshqylynyń tuzdarynan ýlanǵany belgili boldy.

«Sotaldy tergeý aıasynda birqatar saraptamalar júrgizildi, olardyń nátıjeleri boıynsha balalardyń ólimine nıtrıtterden jedel ýlaný sebep boldy. Qazirgi ýaqytta istiń barlyq mán-jaıyn jan-jaqty, tolyq jáne obektıv zertteýge baǵyttalǵan sotaldy tergeý jalǵasyp jatyr», – dep habarlady  oblystyq ishki ister departamentiniń baspasóz qyzmeti.

Vedomstvo Qylmystyq is júrgizý kodeksiniń 201-babyna sáıkes qylmystyq isti tergeýdiń barysy týraly basqa málimetter jarııa etýge jatpaıdy degen qorytyndyǵa keldi.

Sanıtarlyq dárigerlerdiń aıtýynsha, nıtrıtter taǵamǵa et ónimderimen birge túsedi. Olar konservant, bakterııaǵa qarsy jáne tuzdaýshy ıngredıent retinde tuzdaý, marınadtaý úshin qoldanylady.

Eske salaıyq, eki bala ýlanyp qaıtys bolǵan aýylda jergilikti dúkende úıde jasalǵan tushpara satylǵan. 14 maýsymda Qyzyljar aýdany Nadejka aýylynda bir otbasy: anasy men úsh balasy ýlanyp qaldy. Úsh jasar bala men jeti jasar qyz kóz jumdy. Sol kezde balalardyń 28 jastaǵy anasy aýyr halde birinshi qalalyq aýrýhananyń juqpaly aýrýlar bólimine jetkizilgen. 2014 jyly týǵan bala oblystyq balalar aýrýhanasyna jatqyzyldy. Emdeýden keıin olar saýyǵyp, úılerine shyǵaryldy.

Balalardyń ata-anasy shujyq pen dúkennen alynǵan tushpara jep, tátti gazdalǵan sýsyn ishkenderin aıtqan.