SQO-da bir otbasynyń tushparadan ýlanyp, eki bala kóz jumdy: Aýyl medbıkesiniń ústinen qylmystyq is qozǵaldy

Foto: freepik

Soltústik Qazaqstan oblysy Nadejka shaǵyn aýylynda 13 maýsymda bútin bir otbasy tamaqtan ýlanyp, órimdeı eki bala kóz jumǵan edi. Biraq bul másele áli sheshimin tapqan joq. Bul týraly qandastar.kz Stan.kz aqparat agenttigine silteme jasap habarlaıdy.

Bastapqyda BAQ habarlaǵandaı, otbasy tamaqtan ýlanǵan. Anasynyń sózinshe, keshki asqa barlyǵy pıa, shujyq, dúkendegi tushparany jep, gazdalǵan sýsyn ishken. Artynsha otbasy músheleriniń barlyǵy aýyryp qalǵan.

Aldymen úsh jasar uly tańerteń úıde anasynyń kózinshe kóz jumǵan. Kelesi kúni aýrýhanada jeti jasar qyzy o dúnıelik boldy. Birneshe kún boıy on jasar uly men anasy jansaqtaý bóliminde jatyp, aman qaldy. Al otaǵasy aýrýhanaǵa jatýdy qajet etpegen, degenmen ol da ózin nashar sezingen.

Sodan keıin úıge túnde jergilikti aýrýhananyń medbıkesi shaqyryǵan. Ol barlyǵyn tekserip, alǵashqy medıınalyq kómek kórsetken. Tańerteń úıdiń kenjesi kóz jumǵan soń, búkil otbasy eki jedel járdem kóligimen Petropavlǵa jetkizilgen. Olarǵa shuǵyl gospıtalızaııa qajet boldy.

«1996 jyly týǵan ana qalalyq birinshi aýrýhananyń juqpaly aýrýlar bólimine jetkizildi. Oblystyq balalar aýrýhanasyna 2017 jáne 2014 jyly týǵan eki bala jetkizildi. Olar birden jansaqtaý bólimine jatqyzyldy. 2017 jyly týǵan qyz aýyr halde túsip, jaǵdaıy turaqsyz bolǵan. Ol jasandy jeldetýge aýystyryldy. Keshke tolyq emdelgenine qaramastan, qaıtys boldy», – dedi oblystyń densaýlyq saqtaý basqarmasy.

Dárigerler balalardyń óliminiń aldyn ala sebebin toksıkalyq tamaq ınfekııasy jáne erebraldy isiný dep atady. Tekserýden keıin polıeıler balalardyń ólimine nıtrıtpen ýlaný sebep bolǵanyn habarlady. Quqyq qorǵaý organdary olardyń taǵamǵa qalaı túskenin naqtylamady.

Soltústik Qazaqstan oblysynyń polıııa departamenti «Abaısyzda adamdardyń jappaı ýlanýyna jáne abaısyzda eki nemese odan da kóp adamnyń ólimine ákep soqqan sanıtarlyq erejeler men gıgıenalyq normalardy buzý» faktisi boıynsha qylmystyq is qozǵady. Tergeý júrgizip jatyr. Biraq qylmys aıǵaǵy bolmaǵandyqtan toqtatyldy.

«Osy qylmystyq is materıaldary jeke óndiriske bólinip, Qylmystyq kodekstiń 317-babynyń 4-bóligi (Medıına nemese farmaevtıka qyzmetkeriniń kásiptik mindetterin tıisinshe oryndamaýy, abaısyzda eki nemese odan da kóp adamnyń ólimine alyp kelgen is-áreketter) boıynsha sotqa deıingi tergeý bastaldy», – delingen habarlamada.

Densaýlyq saqtaý basqarmasynyń málimetinshe, aýyldyq medbıke 15 tamyzda óz erkimen jumystan ketken.