سقو-دا قايعىلى جاعداي بولدى

وتو: ۆيدەودان سكرينشوت

سولتۇستىك قازاقستان وبلىسى بەسكول اۋىلىنىڭ ماڭىندا جولدان جۇگىرىپ وتپەك بولعان كەلىنشەكتى جۇك كولىگى سوقتى, دەپ حابارلايدى Qandastar.kz.

وقيعا 8 شىلدە كۇنى تۇندە بولعان.

كۋاگەرلەردىڭ ايتۋىنشا, جول-كولىك وقيعاسى رەتتەلەتىن جولاۋشىلار جولاعىندا بولعان. ايەل باعدارشامنىڭ رۇقسات ەتىلگەن شامىن كۇتپەي, جولعا شىققان. سول كەزدە قاتتى كەلىپ قالعان جۇك كولىگى ونى سوعىپ, وقيعا ورنىنان كەتىپ قالعان. بىراق كەيىن توقتاپ, ءتارتىپ ساقشىلارىنىڭ كەلۋىن كۇتكەن.

ايەلدىڭ ارتىندا كىشكەنتاي ۇلى قالدى.

سقو پوليتسيا دەپارتامەنتى ءباسپاسوز قىزمەتىنەن حابارلاعانداي, «DAF» جۇك كولىگى 33 جاستاعى كەلىنشەكتى سوعىپ, ايەل العان جاراقاتتارىنان وقيعا ورنىندا كوز جۇمدى. قازىرگى ۋاقىتتا قىلمىستىق ءىس قوزعالعان, تەرگەۋ امالدارى جۇرگىزىلىپ جاتىر.