جاڭالىقتار
سقو-دا كومەك جيناۋ تۋرالى جالعان حابارلاندىرۋلار كوبەيدى
سولتۇستىك قازاقستان وبلىسىندا تاسقىننان زارداپ شەككەن تۇرعىندارعا كومەك جيناۋ تۋرالى ءاربىر ءۇشىنشى حابارلاندىرۋ – جالعان. بۇل تۋرالى پوليتسيا دەپارتامەنتى حابارلادى. ولاردىڭ ايتۋىنشا, قازىر ءتۇرلى مەسەندجەرلەردە چاتتار قۇرىلىپ, اقشا سۇرايتىندار كوبەيىپ كەتكەن. وكىنىشكە قاراي, وسىنداي قيىن ءساتتى پايدالانىپ وڭاي ولجا تابامىن دەۋشىلەردىڭ قاتارى كۇن سايىن ارتىپ بارادى. وسىعان بايلانىستى كريمينالدىق پوليتسيا الەۋمەتتىك جەلىلەردى باقىلاۋعا الىپ, كومەك تۋرالى بارلىق اقپاراتتى تەكسەرىپ جاتىر.
نۇربەك باەكين, پد ءباسپاسوز قىزمەتىنىڭ اعا ينسپەكتورى: — 3 كۇن ىشىندە 6 ۇلكەن چاتتا 50-گە تارتا جالعان حابارلاندىرۋ انىقتالدى. ولاردىڭ اراسىنداعى كومەك تۋرالى ءار ءۇشىنشى حابارلاندىرۋ جالعان بولىپ شىقتى. حابارلاندىرۋلار جويىلدى. اۆتورلاردىڭ چاتتارداعى نومىرلەرى بۇعاتتالدى.
