جاڭالىقتار
سقو-دا پوليتسەيلەر قازا تاپتى
فوتو: ءىىم
سولتۇستىك قازاقستان وبلىسىنىڭ پوليتسيا دەپارتامەنتىنىڭ مالىمەتىنشە, جول اپاتى چيستوپولە-شوپتىكول تاس جولىندا بولعان, دەپ جازدى qandastar.kz
«جول اپاتى Chevrolet Cobalt» جانە «Toyota Camry» كولىكتەرىنىڭ قاتىسۋىمەن بولدى. سالدارىنان ەكى جۇرگىزۋشى دە قازا تاپتى. قازىر ءىس بويىنشا قىلمىستىق ءىس قوزعالدى»,- دەلىنگەن حابارلامادا.
وقيعانىڭ ءمان-جايى مەن سەبەپتەرىن انىقتاۋ بويىنشا جەدەل-ىزدەستىرۋ شارالارى جۇرگىزىلىپ جاتىر.
مالىمەتكە سايكەس, مارقۇمداردىڭ ەكەۋى دە ىشكى ىستەر ورگاندارىنىڭ قىزمەتكەرلەرى جانە كەزەكشىلىكتە بولعان. پوليتسيا دەپارتامەنتى وتباسى مەن جاقىندارىنا قايعىلارىنا ورتاقتاسىپ كوڭىل ايتتى.
«سولتۇستىك قازاقستان وبلىسى پوليتسيا دەپارتامەنتىنىڭ ۋچاسكەلىك پوليتسيا ينسپەكتورلارى, پوليتسيا مايورى ۆلاديمير سينيتسىن مەن پوليتسيانىڭ اعا لەيتەنانتى داۋلەتحان قازىحاننىڭ جول-كولىك وقيعاسى سالدارىنان قىزمەتتىك مىندەتىن اتقارۋ كەزىندە قازا تابۋىنا بايلانىستى ولاردىڭ تۋعان-تۋىستارى مەن جاقىندارىنا كوڭىل ايتامىن. ىشكى ىستەر مينيسترلىگى قازا بولعان قىزمەتكەرلەردىڭ وتباسىنا قاجەت بارلىق كومەكتى كورسەتەدى», – دەپ جازدى ىشكى ىستەر ءمينيسترى ەرجان سادەنوۆ.
