Smaıylov: Densaýlyq saqtaý mınıstrligin tekserý barysynda 3,7 mlrd somaǵa zań buzýshylyq anyqtaldy

Foto: Egemen Qazaqstan

Joǵary aýdıtorlyq  palatanyń tóraǵasy Álıhan Smaıylov Densaýlyq saqtaý mınıstrligi men onyń vedomstvolyq baǵynysty uıymdary qyzmetiniń tıimdiligine júrgizilgen aýdıttiń qorytyndysyn jarııalady, – dep habarlaıdy qandastar.kz.

Joǵary aýdıtorlyq  palatanyń múshesi Tilegen Qaskın málimdegendeı, farmaevtıkalyq ónimderdiń aınalymynda 36 júıeli kemshilik anyqtaldy.

Aýdıt farmaevtıka salasyn damytýǵa keshendi kózqarastyń joqtyǵyn kórsetti. Mysaly, otandyq shıkizat dári-dármek óndirisinde is júzinde paıdalanylmaıdy, al ımporttyq komponentterdiń sapasyna naqty talap belgilenbegen.

Jalpy alǵanda, otandyq dárilik zattar men medıınalyq maqsattaǵy buıymdardy óndirýshilerdi memlekettik qoldaý sharalarymen qamtý tómen – 20%-dan az kúıinde qalyp otyr. 2023 jylǵy satý nátıjeleri boıynsha otandyq dárilerdiń naryqtaǵy úlesi 18% quraıdy», – dep habarlady JAP múshesi.

Baǵany memlekettik retteý de tıisti deńgeıde júrgizilmeıdi.

«Shekti baǵany belgileý ádistemesin Densaýlyq saqtaý mınıstrligi júıesiz ázirlegen. Nelikten salystyrmaly baǵaǵa taldaý júrgizilmeıdi?», – degen saýal qoıdy Álıhan Smaıylov.

Bul suraqqa Densaýlyq saqtaý mınıstri Aqmaral Álnazarova bylaı jaýap qatty: Taldaý qorytyndysyna kelsek, búgin barlyq baǵa boıynsha 6,5 myńnan astam dári-dármek tekseriledi. Jumys toby quryldy. Jyl sońyna deıin biz kóterme jáne bólshek saýda segmentinde  belgilengen baǵalardy qaıta qaraımyz dep oılaımyn.

P.S Aıta keteıik, salada 3,7 mlrd teńgeni quraıtyn buzýshylyqtar anyqtalyp otyr. Onyń ishinde qarjylyq buzýshylyqtar – 538 mln teńge, tıimsiz josparlaý – 2,8 mlrd teńge, aktıvterdi tıimsiz paıdalaný – 385 mln teńge. Bıýdjettiń yqtımal shyǵyny – 21,7 mlrd teńge.

Sondaı-aq jaqynda tekserýge kedergi keltirgeni úshin Medıınalyq jáne farmaevtıkalyq baqylaý komıtetiniń basshysy ákimshilik jaýapkershilikke tartylǵany da habarlandy.