ءبىلىم
سمايىلوۆ وقۋلىقتاردى قايتا قاراۋ 16 ملرد شىعىن اكەلگەنىن ايتتى
فوتو:اشىق دەرەككوز
قازاقستاننىڭ جوعارى اۋديتورلىق پالاتاسى ورتا ءبىلىم بەرۋ سالاسىن دامىتۋعا جانە ونىڭ ساپاسىن ارتتىرۋعا بولىنگەن قاراجاتتى پايدالانۋ تيىمدىلىگىنە اۋديت جۇرگىزدى. ونىڭ ناتيجەسى ۇكىمەت باسشىسى ءاليحان سمايىلوۆتىڭ توراعالىعىمەن وتكەن وتىرىستا قارالدى, دەپ حابارلايدى qandastar.kz
اۋديت بارىسىندا 1,1 ملرد تەڭگە سوماسىنا قارجىلىق بۇزۋشىلىقتار, 62,4 ملرد تەڭگەگە — قاراجات پەن رەسۋرستاردى ءتيىمسىز جوسپارلاۋ جانە 3,2 ملرد تەڭگەنى — ءتيىمسىز پايدالانۋ انىقتالدى.
«سوڭعى 5 جىلدا وقۋلىقتاردى قايتا قاراۋ سالدارىنان ەكونوميكالىق شىعىندار 16 ملرد تەڭگەدەن اسقان. 5 جىل ىشىندە باعالاۋ ولشەمشارتى 12 رەت وزگەرگەن, بۇل ورنىقتى باعالاۋ جۇيەسىنىڭ جوق ەكەنىن كورسەتەدى»,—دەدى ءاليحان سمايىلوۆ.
