Smaıylov oqýlyqtardy qaıta qaraý 16 mlrd shyǵyn ákelgenin aıtty

Foto:ashyq derekkóz

Qazaqstannyń Joǵary aýdıtorlyq palatasy orta bilim berý salasyn damytýǵa jáne onyń sapasyn arttyrýǵa bólingen qarajatty paıdalaný tıimdiligine aýdıt júrgizdi. Onyń nátıjesi Úkimet basshysy Álıhan Smaıylovtyń tóraǵalyǵymen ótken otyrysta qaraldy, dep habarlaıdy qandastar.kz

Aýdıt barysynda 1,1 mlrd teńge somasyna qarjylyq buzýshylyqtar, 62,4 mlrd teńgege — qarajat pen resýrstardy tıimsiz josparlaý jáne 3,2 mlrd teńgeni — tıimsiz paıdalaný anyqtaldy.

«Sońǵy 5 jylda oqýlyqtardy qaıta qaraý saldarynan ekonomıkalyq shyǵyndar 16 mlrd teńgeden asqan. 5 jyl ishinde baǵalaý ólshemsharty 12 ret ózgergen, bul ornyqty baǵalaý júıesiniń joq ekenin kórsetedi»,—dedi Álıhan Smaıylov.