Smetovke 100 jylqy syılaǵan kásipker — Eldosqa aıtar bir ǵana ótinishim bar

Foto: ashyq derekkóz

Parıj Olımpıadasynyń chempıony Eldos Smetovke 100 jylqy syılaǵan Ánýar Mahanov atty kásipker Qaz365.kz tilshisine bergen suhbatynda ne úshin jomarttyq tanytqanyn aıtyp berdi.

“Eldos chempıon bolǵan kezde bárimiz qýandyq. Búkil álemge qazaq atyn pash etti. Qýanǵannan berdim 100 jylqyny. О́zine de “chempıondardy tárbıele” dep aıttym. О́mirde aqshanyń mańyzy bar ǵoı. Eshkimge táýeldi bolmasyn dedim. Jylqy ataý qazaqy dástúr, jol. Sharýasy bolsyn”, – deıdi kásipker.

Ánýar Mahanov jarystarǵa baratyn aýyldyń balalaryn árdaıym qoldap júrgenin aıtady. “Chempıondar aýyldan shyǵady” deıdi. Inisi Amangeldi Asaýov sambodan álem chempıony bolǵan. О́ziniń týǵan jeri Baıǵanın aýdanynan shyqqan, túrli jarystarda top jarǵan jastardy da qoldap júrgenin aıtady.

“Qazir Mańǵystaý men Atyraý oblysyna qazir sý jetpeı jatyr ǵoı. Sý salasy boıynsha jumys istep jatyrmyn. Jobalarym bar. Munaı-gaz salasynda da jobalarym bar. Aýylda bárine jumys bolsyn dep sharýashylyq ashyp qoıǵanmyn. Únemi ol “meniki emes, eldiki” dep aıtyp júremin. 20 shaqty jyldan beri sharýashylyqta 40-den asa adam jumys istep jatyr”, – deıdi ol.

Kásipker 100 bas jylqyny chempıonnyń aýylyna jetkizgeli otyr. Onyń aldynda Ánýar Mahanov chempıondy elge shaqyryp, kıeli oryndardy kórsetpek.

Ánýar Mahanov buryn Eldosty tanymaǵan. Chempıon bolǵannan keıin ekeýi telefon arqyly sóılesken.

“Eldos altyn alatyn shyǵar dep úmittengenmin. Aqtady ǵoı. Túnimen uıyqtamaı kútip, birinshi beldesýinen bastap qaradym. Baq pen bap birge janyp tur ǵoı. Myqtylardyń bárin jeńdi ǵoı”, – deıdi kásipker.

Kásipker jarııaǵa jar salyp, eshkimge maqtanǵysy kelmegenin aıtady.

“Baıaǵyda babalarymyz Qunanbaılar mama bıe syılaǵan ǵoı. Taı emes, sol jolmen mama bıe syıladym”, – deıdi ol.