جاڭالىقتار
SMS-پەن كەلگەن كودتى ايتىڭىز جانە باسقاسى: الاياقتار ءجيى قولداناتىن ءسوز تىركەستەرى اتالدى
قۇقىق قورعاۋ ورگاندارىنىڭ مالىمەتى بويىنشا, ەڭ ءجيى قولدانىلاتىن التى ءسوز تىركەسى بار.
“ەگەر ءسىز بەيتانىس اداممەن تەلەفون ارقىلى سويلەسۋ كەزىندە وسى ءسوز تىركەستەرىن ەستىسەڭىز, دەرەۋ تەلەفوندى ءوشىرىڭىز”, – دەپ كەڭەس بەرەدى ءىىم.
ال الاياقتار كوپ قولداناتىن سوزدەردىڭ قاتارىندا:
– ولار ءسىزدىڭ اقشاڭىزدى ۇرلاماقشى, كۇدىكتى ترانزاكتسيا تىركەلدى;
– SMS-پەن كەلگەن كودتى ايتىڭىز;
– تەرگەۋ امالدارى جۇرگىزىلۋدە, الاياقتاردى ۇستاۋعا جانە اقپاراتتى جاريالاماۋعا كومەكتەسىڭىز;
– نەسيەگە ءوتىنىم بەرىلدى;
– اقشانى ارنايى جانە قاۋىپسىز شوتقا اۋدارىڭىز;
– بانك كارتاڭىزدىڭ/SIM كارتاڭىزدىڭ مەرزىمى اياقتالۋعا جاقىن.
“پوليتسەيلەر ازاماتتارعا قىراعى بولۋعا كەڭەس بەرىپ, تۋىستارى مەن جاقىندارىنا ەسكەرتۋ جاسايدى”, – دەلىنگەن اقپاراتتا.
