«Soǵysty toqtatý týraly kelisimge keldik»: Tramp Pýtınmen shuǵyl kelissóz júrgizbek

Foto:Brandon Bell /Kreml

AQSh prezıdenti Donald Tramp Pýtınmen jarty saǵattaı sóılesip, keıin Ýkraına prezıdenti Vladımır Zelenskııge qońyraý shaldy. Reseı prezıdentimen áńgimeden keıin Tramp eki tarap shuǵyl túrde kelissóz júrgizetinin aıtty. Bul týraly qandastar.kz  aqparat agenttigi BBC-ge silteme jasap habarlaıdy.

Donald Tramp Pýtınmen aradaǵy áńgime uzaq ári nátıjeli bolǵanyn aıtady.

“Qazir ǵana Reseı prezıdenti Vladımır Pýtınmen telefon arqyly uzaq ári nátıjeli áńgime júrgizdik. Biz Ýkraına, Taıaý Shyǵys, energetıka, jasandy ıntellekt, “dollardyń kúshi” jáne basqa da kóptegen taqyryptardy talqyladyq. Biraq eń áýeli ekeýmiz Reseı men Ýkraına arasyndaǵy soǵysty toqtatý týraly kelisimge keldik. Eki tarap shuǵyl kelissóz júrgizýge daıyndalyp jatyr”, – deıdi Tramp.

Kóp uzamaı Pýtınniń baspasóz hatshysy Dmıtrıı Peskov eki prezıdent arasyndaǵy áńgimeni rastady. Sondaı-aq onyń aıtýynsha, Tramp pen Pýtın qatar tutqyndar almasýyn, Irannyń ıadrolyq baǵdarlamasy jáne Reseı men AQSh arasyndaǵy yntymaqtastyqty talqyǵa salǵan.

Dmıtrıı Peskov Pýtın Tramptyń kelissóz týraly usynysyna qatysty qaqtyǵystyń túpki sebepterin joıyp, beıbit kelissózder arqyly uzaq merzimdi retteýge qol jetkizýge bolatyn aıtty.

Kreml Pýtınniń Reseıde amerıkalyq sheneýnikterdi, onyń ishinde Ýkraınamen aınalysatyndardy qabyldaýǵa daıyn ekendigin jetkizdi. Alaıda Peskov kelissózderdiń jaqyn arada bastalýy múmkin ekenin aıtqan joq.

Amerıkalyq taraptan kelissózderdi memlekettik hatshy Marko Rýbıo, Ortalyq barlaý basqarmasynyń dırektory Djon Retklıff, Ulttyq qaýipsizdik jónindegi keńesshi Maıkl Ýol jáne arnaıy ókil Stıv Vıtkoff júrgizedi.

Pýtın Trampty Máskeýge shaqyrdy. Eki el prezıdenti jeke kezdesý uıymdastyrýǵa jáne jeke baılanystardy jalǵastyrýǵa kelisti.

“Men Reseı prezıdenti Pýtınge ýaqyt bólip, suhbattastqany úshin jáne keshe keshkisin Aqúıde tanystyrǵan Mark Fogeldi bosatqany úshin alǵys aıtamyn. Bizdiń kúshimiz jaqyn arada tabysty nátıjege ákeledi dep senemin”, – deıdi AQSh prezıdenti.

Tramp Pýtınmen alǵashqy kezdesýi Saýd Arabııasynda ótetinin málimdedi.