جاڭالىقتار
سولتۇستىك قازاقستاندا شەنەۋنىك 15,9 ملن تەڭگە جىمقىرعان
تايىنشا اۋدانىنىڭ تۇرعىن ءۇي-كوممۋنالدىق شارۋاشىلىق بولىمىندە جۇرگىزىلگەن تەكسەرۋ بارىسىندا اتالعان مەكەمە باسشىسىنىڭ 15,9 ملن تەڭگە كولەمىندە بيۋدجەتتىك قاراجاتتى جىمقىرعانى انىقتالدى, دەپ حابارلايدى Qandastar.kz
تەرگەۋ بارىسىندا لاۋازىمدى تۇلعانىڭ تايىنشا قالاسىنداعى الەۋمەتتىك ماڭىزى بار نىسانداردى جىلۋمەن قامتاماسىز ەتۋ ءۇشىن مودۋلدىك قۇبىر وتكىزگىشكە ارنالعان قۇرىلعىنى ساتىپ الۋ ماقساتىندا كاسىپكەرمەن ءبىر كوزدەن مەملەكەتتىك ساتىپ الۋ شارتىنا جالعان تۇردە قول قويعانى بەلگىلى بولدى. بۇل رەتتە كاسىپكەر وزىنە قاتىستى قۇقىققا قايشى ارەكەتتەر تۋرالى حابارسىز بولعان.
«انىقتالعان زاڭبۇزۋشىلىقتار بويىنشا 2024 جىلعى 6 شىلدەدە اۋدان پروكۋراتۋراسىمەن قىلمىستىق كودەكستىڭ 189-بابى 4-بولىگىنىڭ 2-تارماعى (سەنىپ تاپسىرىلعان بوتەن م ۇلىكتى يەمدەنۋ نەمەسە ىسىراپ ەتۋ) بويىنشا سوتقا دەيىنگى تەرگەپ-تەكسەرۋ باستالدى.
2025 جىلعى 30 ماۋسىمداعى تايىنشا اۋداندىق سوتىنىڭ ۇكىمىمەن ءبولىم باسشىسى جوعارىدا اتالعان قىلمىستى جاساعانى ءۇشىن كىنالى دەپ تانىلىپ, وعان مەملەكەتتىك قىزمەتتە, سوت جۇيەسىندە, جەرگىلىكتى ءوزىن-ءوزى باسقارۋ ورگاندارىندا, ۇلتتىق بانكتە جانە ونىڭ قۇرىلىمدارىندا, قارجى نارىعى مەن قارجى ۇيىمدارىن رەتتەۋ, باقىلاۋ جانە قاداعالاۋ جونىندەگى ۋاكىلەتتى ورگاندا, سونداي-اق مەملەكەتتىك ۇيىمدار مەن كۆازيمەملەكەتتىك سەكتور سۋبەكتىلەرىندە لاۋازىم اتقارۋعا ءومىر بويى تىيىم سالا وتىرىپ, 8 جىل مەرزىمگە باس بوستاندىعىنان ايىرۋ جازاسى تاعايىندالدى», — دەلىنگەن حابارلامادا.
