جاڭالىقتار
سولتۇستىك قازاقستان وبلىسىنىڭ ەكس-اكىمى سامات ەسكەندىروۆ بەس جىلعا سوتتالدى
فوتو: gov.kz
سولتۇستىك قازاقستان وبلىسىنىڭ ەكس-اكىمى سامات ەسكەندىروۆ الاياقتىق ءۇشىن سوتتالدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جسساپ حابارلايدى.
سامات ەسكەندىروۆ ۇلەسكەرلەردى الداپ, جەرلەرىن ساتىپ جىبەرگەنى ءۇشىن سوتتالعان.
“جاۋاپكەر ە. جانە باسقا تۇلعا نەسيە الۋ ءۇشىن جالعان جينالىس حاتتامالارىن جاساعان. ولار جشس قاتىسۋشىلارىنىڭ كەلىسىمىنسىز بۋراباي اۋدانى تۇرعىندارىنىڭ جەر تەلىمدەرىن كەپىلگە قويعان. ءبىر توپ ادامدار اۋىل تۇرعىندارىنىڭ جەر ۇلەستەرىن زاڭسىز يەمدەنىپ, ەنشىلەس كاسىپورىنعا جەر ۋچاسكەسىن كەپىلگە بەرگەن جانە يەلىكتەن شىعارعان. ناتيجەسىندە جابىرلەنۋشىلەرگە اسا ءىرى كولەمدە ماتەريالدىق زالال كەلتىرىلگەن. بۇل ارەكەت قىلمىستىق كودەكستىڭ «ادامدار توبىندا الدىن الا ءسوز بايلاسۋ ارقىلى اسا ءىرى كولەمدەگى الاياقتىق» رەتىندە باعالانادى”, – دەپ مالىمدەدى اقمولا وبلىسى كوكشەتاۋ قالالىق سوتىنىڭ ءباسپاسوز قىزمەتى.
بەلگىلى بولعانداي, ەكس-اكىمنىڭ كىناسى جابىرلەنۋشىلەر, كۋاگەرلەر, تىنتۋلەر, تاركىلەنگەن تولەم تاپسىرمالارى, ساراپتامالىق قورىتىندىلار جانە تاۋەلسىز اۋديتوردىڭ ايعاقتارىمەن دالەلدەندى. سوت جازا تاعايىنداۋ كەزىندە سوتتالۋشىعا قاتاڭ جازا تاعايىنداۋدى تالاپ ەتپەگەن جابىرلەنۋشىلەردىڭ كوپشىلىگىنىڭ پىكىرىن ەسكەردى.
«2023 جىلى سوت شەشىمىمەن جشس قۇرىلتايشىلارى جينالىسىنىڭ شەشىمى جانە قۇقىقتاردى ءۇشىنشى تۇلعالارعا بەرۋ تۋرالى كەلىسىم جارامسىز دەپ تانىلدى. وسىعان بايلانىستى, جەر ۋچاسكەسى جابىرلەنۋشىلەرگە قايتارىلدى. اۋىل تۇرعىندارىنا كەلتىرىلگەن ماتەريالدىق شىعىندى وتەۋ تۋرالى سوت ۇكىمى شىعارىلدى. ە.-گە قك-ءنىڭ 63-بابىن قولدانا وتىرىپ, بەس جىلعا شارتتى تۇردە باس بوستاندىعىنان ايىرۋ جازاسىن تاعايىندادى”, – دەلىنگەن اقپاراتتا.
ەسكە سالايىق, اعىمداعى جىلدىڭ جازىندا اقمولا وبلىسىندا سولتۇستىك قازاقستان وبلىسىنىڭ بۇرىنعى اكىمى, ەكس-سەناتور سامات ەسكەندىروۆكە قاتىستى سوت پروتسەسى ءوتىپ جاتقانى بەلگىلى بولدى.
بۇعان دەيىن وبلىستىق سوتتىڭ ءباسپاسوز قىزمەتى جوعارى لاۋازىمدى شەنەۋنىككە قاتىستى ءىستىڭ كوكشەتاۋ قالالىق سوتىندا قارالعانىن حابارلاعان بولاتىن. وعان قىلمىستىق كودەكستىڭ «الاياقتىق» بابى بويىنشا قىلمىس جاساعانى ءۇشىن ايىپ تاعىلعان ەدى.
