Soltústik Qazaqstanda ishimdikten taǵy bir aýyl bas tartty

SQO-da araq-sharaptan bas tartqan aýyldar sany kóbeıip keledi. Solardyń biri – Esil aýdanyna qarasty Eńbek eldimekeni. Turǵyndar óz aýylyn jaıly ári qaýipsiz etý maqsatynda osyndaı sheshimge kelgen, dep habarlady Qandastar.kz aqparat portaly Almaty.tv-ǵa silteme jasap.

Eńbek aýyly – oblys kóleminde alkogolden resmı túrde bas tartqan on segizinshi eldimeken. Turǵyndar bul ıgi bastamany ózgelerge úlgi etip, keńinen nasıhattaýǵa nıetti. Prokýratýra ókilderi mundaı tájirıbe qylmysty azaıtyp, urlyq, túrli janjaldy sap tyıady dep otyr.

«Barshaǵa belgili, alkogol joq jerde tártip bar. Al tártip bar jerde zań kúsheıedi. Buǵan mysal – Qaraǵaı aýyly. Sońǵy 3 jylda birde-bir qylmystyq jáne ákimshilik quqyqbuzýshylyq áreketter tirkelmegen. Prokýratýra mundaı ıgi bastamalardy qoldaıdy. Sondaı-aq úlgili aýyldar sany arta túsetinine senemiz», — dedi Esil aýdanynyń prokýrory Kenjebek Qojahmetov.

Aщy sýdan bas tartqaly beri jergilikti kásipkerler aýyldy damytýǵa úles qosýdyń túrli jolyn qarastyryp, ıgi bastamalardy júzege asyra bastaǵan. Qaıyrbek Qojasov jańa bastaýysh mekteptiń qurylysyn qolǵa alypty. Bul balalardyń ózge eldimekenderge qatynamaı-aq óz aýylynda sapaly bilim alýyna múmkindik beredi.

«Shaǵyn 50 oryndyq bastaýysh mektep salyp jatyrmyz. Ishinde sport zaly, 4 synypqa arnalǵan shaǵyn ortalyq, ashanasy bar. Medbıkeniń kabıneti jabdyqtalǵan. Mamyrda bastadyq, bıyl jańa oqý jylyna qoldanysqa beremiz degen jospar bar»,-dedi Eńbek aýylynyń turǵyny Qaıyrbek Qojasov.

Kásipkerdiń aıtýynsha, jańa áleýmettik nysan – aýyl bolashaǵyna salynǵan mańyzdy ınvestıııa. Onyń sózinshe, zamanaýı synyptarmen, medıınalyq bólmelermen jabdyqtalatyn mektep balalar úshin jaıly ári qaýipsiz bilim ordasyna aınalmaq.

«Kásipker dene shynyqtyrýmen aınalysatyn orny bar bastaýysh mektebin salyp jatyr. Ol isine úlken jaýapkershilikpen qaraıdy. Sondyqtan tek raqmet aıtyp qana qoımaı, oblystaǵy aýyl sharýashylyǵy salasyndaǵy basshylarǵa úlgi etip kórsetýge bolady», — dedi SQO-nyń ákimi Ǵaýez Nurmuhambetov.

Eńbek aýylynyń tabysty damýy basqa óńirlerge de úlgi bolyp otyr. Máselen Esil aýdanyna qarasty Ilınka aýylynda jergilikti kásipker Aleksandr Býrlıov zamanaýı sport keshenin ashyp, abattandyrý isine de bet burǵan. Bul eldimekenniń áleýetin arttyryp, turǵyndardyń ómir súrý sapasyn jaqsartýǵa baǵyttalǵan.