«Sońǵy demim qalǵansha judyryqtasamyn»: Bıbosynov Dýsmatovpen bolatyn jekpe-jek jaıly aıtty

Foto: Qazaqstan boks federaııasy

Parıj olımpıadasynda bokstan 51 kelide baq synap jatqan qazaqstandyq Sáken Bıbosynov 1/8 fınalda Samet Gıýmıýshti jeńgen bolatyn. Jekpe-jekten keıin boksshy pikir bildirdi, – dep habarlaıdy 1bol.kz

Otandasymyz shırek fınalda óziniń bitispes qarsylasy, ózbekstandyq Hasanboı Dýsmatovpen kezdesedi.

«Allaǵa shúkir, jeńiske jettim. Biraq qarsylasym osal emes. Jekpe-jek ońaı bolǵan joq. Úshinshi raýndta 1-2 qatelikter boldy. Endi kelesi kezdesýimde ondaı bolmashy qatelikterdi qaıtalamaýǵa tyrysamyn. Sharshy alańda aıanyp qalmaımyn. Sońǵy demim qalǵansha judyryqtasamyn», – deıdi Sáken Bıbosynov.

Ol túrik boksshysyna qarsy qandaı taktıka qurǵanyn da aıtty.

«Qarsylastyń boıy tapaldaý. Bapkerim qashyqtyqta judyryqtas dep aıtty. Soqqy jasap, araqashyqtyqty ustap otyrýǵa tyrystym. Eki raýndta upaılarymdy jınap aldy. Úshinshisinde sál aıaqpen jumys isteý jaǵynan kemshilik ketti. Kelesi qarsylasqa tyńǵylyqty daıyndalamyz»,- dedi boksshy.

Aıta keteıik, Hasanbaı Dýsmatov pen Sáken Bıbosynov arasyndaǵy jekpe-jek 2 tamyz kúni saǵat 21:20-da bastalady.