Sońǵy eki jylda bilim berý salasynda jemqorlyqtan 17 mıllıard teńge shyǵyn keldi – Antıkor

Foto: vıdeodan skrın

Sybaılas jemqorlyqqa qarsy is-qımyl agenttigi basshysynyń orynbasary Ulan Sarqulov Májilis kýlýarynda bilim berý salasyndaǵy jemqorlyqqa qatysty derektermen bólisti. Bul týraly  qandastar.kz  Stan.kz aqparat agenttigine silteme jasap habarlaıdy.

Antıkor basshysy orynbasarynyń aıtýynsha, bilim berý salasyn tekserý barysynda “jaǵaustatarlyq jemqorlyq derekteri” anyqtalǵan. Sózinshe, sońǵy eki jylda kelgen shyǵyn 17 mıllıard teńgege jýyqtaǵan.

“Bul másele quzyrly organdar, tıisti mınıstrlik tarapynan qaralyp jatyr. Biz teksere bastaǵan sońǵy eki jyl – 2022 jáne 2023 jyldary kelgen shyǵyn 17 mıllıard teńgege jýyqtaıdy. Bul – óte úlken soma. Máselen, bir ǵana Taldyqorǵan qalasynda bilim bóliminiń basshysy, bas býhgalter men birneshe mektep dırektory 4 mıllıard teńgege jýyq qarjy jymqyrǵan. Ustaý kezinde kólikten 1 mıllıard teńgege jýyq aqsha tabyldy. Osyndaı derekter ózge de aımaqtarda anyqtaldy”, – dedi ol.

Ulan Sarqulovtyń málimdeýinshe, bilim berý salasyndaǵy jemqorlyq derekterin azaıtý úshin ıfrlandyrý máselesi qolǵa alynǵan.

“Biz de ıfrlandyrý proesine qatysyp jatyrmyz, ıfrlyq damý mınıstrligimen etene jumys isteımiz. Qazir keı aqparattyq tehnologııalardyń engizilgenin kórip otyrmyz. Onyń ústine jemqorlyq derekteri de azaıa túsken. 2024 jyly bilim berý salasynda jemqorlyqtan kelgen shyǵyn 7 mıllıon teńge shamasynda”, – dep túıindedi ol.

Eske salaıyq, buǵan deıin Antıkor basshysynyń orynbasary Ulan Sarqulov Almatyda satylymǵa qoıylǵan 2,4 mıllıard teńgelik vılla antıkordyń burynǵy qyzmetkerine tıesili degen aqparatqa qatysty pikir bildirgen edi.