«سوڭعى رەت وزبەكستاندىق جىگىتىمەن سويلەسكەن»: الماتى وبلىسىندا 16 جاستاعى قىز ءۇش كۇننەن بەرى تابىلماي جاتىر

فوتو: اشىق دەرەككوز

الماتى وبلىسىندا 16 جاستاعى ءجاسوسىپىرىم قىز ءۇش كۇننەن بەرى تابىلماي جاتىر. ول بالمۇزداق اكەلەمىن دەپ دۇكەنگە شىققاننان ىز-ءتۇسسىز جوعالعان. جاقىندارى كەيىننەن ونىڭ وزبەكستاندىق جىگىتى بولعانىن جانە سوڭعى رەت سول اداممەن بايلانىسقا شىققانىن جەتكىزدى. الايدا پوليتسەيلەر قىزدى ءالى ىزدەستىرىپ جاتىر. ءجاسوسپىرىمنىڭ جاقىندارى Stan.kz رەداكتسياسىنا جۇگىندى.

جوعالعان ءجاسوسپىرىم ايكۇمىس قۋاتبەكتىڭ اپكەسى ايدانا ءسىڭلىسىنىڭ جاعدايىنا الاڭداۋلى. ايتۋىنشا ءۇش كۇننەن بەرى قىزدان ەش حابار جوق.

“14 شىلدە كۇنى بالمۇزداق الىپ كەلەمىن دەپ دۇكەنگە شىعىپ كەتكەن. سودان ونى ەشكىم كورمەپتى. دوستارىنان دا سۇراپ كوردىك. جوعالعاننان كەيىن 2 ساعاتتان سوڭ پوليتسياعا حابارلاستىق. كەيىن ونىڭ وزبەكستاندىق جىگىتى بولعانىن بىلدىك. الايدا ول جىگىتتى تانىمايمىز دا. سوڭعى رەت سول جىگىتپەن سويلەسكەن. ەگەر الىپ قاشقان بولسا, ەندىگى حابار بەرمەيتىن بە ەدى? ءالى تابىلماي جاتىر, الاڭداپ وتىرمىز”, – دەدى اپكەسى ايدانا.

ايكۇمىس 14 شىلدە كۇنى ساعات 17:00-دەردە ەڭبەكشىقازاق اۋدانى, قىربالتاباي اۋىلىنداعى اۋباكىروۆ 13 كوشەسىندەگى ۇيىنەن شىعىپ كەتكەن.

جەكە بەلگىلەرى: بويى 155-160 سم, دەنە ءبىتىمى تولىقتاۋ, شاشى قارا, يىعىنان اسادى, كوزى قوڭىر. قىزدىڭ ۇستىندە قارا سۇرعىلت جەيدە مەن قارا شالبار بولعان.

ايكۇمىستىڭ جاقىندارى ەگەر ونى كورگەن ادامدار بولسا, مىنا نومەرگە حابارلاسۋدى سۇرايدى:

8 701 375 92 91

8 705 105 31 31