سوتتا بيشىمباەۆتىڭ قويىن داپتەرىندەگى جازبالار وقىلدى

قوعامدا رەزونانس تۋدىرعان ەكس-مينيستر قۋاندىق بيشىمباەۆقا قاتىستى سوت وتىرىسى جالعاسىپ جاتىر. بۇگىن ايىپتالۋشىنىڭ ادۆوكاتتارى بيشىمباەۆتىڭ قويىن داپتەرىندەگى جازبالاردى قىلمىستىق ءىستىڭ ماتەريالدارىنا قوسۋدى سۇرادى.

وندا مارقۇم سالتانات نۇكەنوۆا ءوزىنىڭ جارىنا دەگەن سەنىمدى قالپىنا كەلتىرىپ, ونى قىزعانبايمىن, جۇيەلى تۇردە پسيحولوگكە بارىپ تۇرامىن جانە بيشىمباەۆپەن بىرگە ناماز وقيمىن دەپ جازعان. بۇنى بۇگىن سوتتا ايىپتالۋشىنىڭ ادۆوكاتتارى وقىپ بەردى. بىراق بۇل جازبالاردى سوت قىلمىستىق ءىستىڭ ماتەريالدارىنا قوسۋدان باس تارتتى.

ال جابىرلەنۋشى تاراپ: «جاريا ەتىلگەن دەرەكتەر مارقۇمنىڭ پسيحولوگيالىق قىسىمنىڭ اسەرىندە بولعانىن ايعاقتايدى», – دەيدى. ەرلان عازىمجانوۆ, ايىپتالۋشىنىڭ ادۆوكاتى: — بۇل جازبانى سالتانات قۋاندىقتىڭ قويىن داپتەرىنە ءوزى جازعان. بۇل ەكەۋىنىڭ اراسىنداعى اراقاتىناستى كورسەتەدى. ياعني, ايىپتالۋشى سالتاناتتى جۇيەلى تۇردە سوققىعا الىپ كەلدى دەگەندى جوققا شىعارادى.

جاننا ورازباقوۆا, جابىرلەنۋشى تاراپتىڭ ادۆوكاتى: — ءبىز بۇل جازبانى شىن مانىسىندە كىم جانە قالاي جازعانىن بىلمەيمىز. سالتانات بولسا, ول قاشان جانە قانداي كۇيدە جازدى? بىراق ماعىناسىنا ءۇڭىلىپ قارايتىن بولساق, بۇل قىسىم كورىپ كەلگەن ادامنىڭ ىسىنە ۇقسايدى. بۇنى سوت تا انىق اڭعاردى.