SOTTA BIShIMBAEVTYŃ QOIYN DÁPTERINDEGI JAZBALAR OQYLDY

Qoǵamda rezonans týdyrǵan eks-mınıstr Qýandyq Bıshimbaevqa qatysty sot otyrysy jalǵasyp jatyr. Búgin aıyptalýshynyń advokattary Bıshimbaevtyń qoıyn dápterindegi jazbalardy qylmystyq istiń materıaldaryna qosýdy surady.

Onda marqum Saltanat Núkenova óziniń jaryna degen senimdi qalpyna keltirip, ony qyzǵanbaımyn, júıeli túrde psıhologke baryp turamyn jáne Bıshimbaevpen birge namaz oqımyn dep jazǵan. Buny búgin sotta aıyptalýshynyń advokattary oqyp berdi. Biraq bul jazbalardy sot qylmystyq istiń materıaldaryna qosýdan bas tartty.

Al jábirlenýshi tarap: «jarııa etilgen derekter marqumnyń psıhologııalyq qysymnyń áserinde bolǵanyn aıǵaqtaıdy», – deıdi. Erlan Ǵazymjanov, aıyptalýshynyń advokaty: — Bul jazbany Saltanat Qýandyqtyń qoıyn dápterine ózi jazǵan. Bul ekeýiniń arasyndaǵy araqatynasty kórsetedi. Iaǵnı, aıyptalýshy Saltanatty júıeli túrde soqqyǵa alyp keldi degendi joqqa shyǵarady.

Janna Orazbaqova, jábirlenýshi taraptyń advokaty: — Biz bul jazbany shyn mánisinde kim jáne qalaı jazǵanyn bilmeımiz. Saltanat bolsa, ol qashan jáne qandaı kúıde jazdy? Biraq maǵynasyna úńilip qaraıtyn bolsaq, bul qysym kórip kelgen adamnyń isine uqsaıdy. Buny sot ta anyq ańǵardy.