Sotty bolǵan depýtat kólik mınıstrligin synǵa aldy

Foto: vıdeodan skrın

Qazaqstanda halyqaralyq júk tasymalyn júzege asyratyn kólik quraldary úshin marshrýt paraǵyn toltyrý talaby áli kúnge deıin saqtalǵan. Bul máseleni Májilis depýtaty Bolatbek Najmetdınuly Gıperboreı arnasynda kóterip, ony keńestik kezeńnen qalǵan eski ári tıimsiz talap dep atady, dep jazdy qandastar.kz.

Eski talap – jańa kedergiler

Depýtattyń aıtýynsha, marshrýt paraǵy tasymaldaýshylar úshin shynaıy kedergige aınalyp otyr. Ol mysal retinde otandyq júk tasymaldaýshylardyń jaǵdaıyn keltirdi.

«Mysaly, otandyq tasymaldaýshy Almatydan Berlınge júk aparsa, jolǵa shyǵarda marshrýt paraǵyn toltyrady. Al keri qaıtar jolda ony shetelde otyryp rásimdeýi kerek», – dedi ol.

Alaıda, Qazaqstan aýmaǵy arqyly ótetin sheteldik tasymaldaýshylar (Túrkııa, Reseı, О́zbekstan, Belarýs) bul talapqa baǵynbaıdy. Bul jaǵdaı otandyq kompanııalardy básekelestik turǵydan álsiretip, teńsizdik týǵyzyp otyr.

Jaǵdaıdy kúrdelendirgen bıýrokratııa men tapshylyq

Marshrýt paraǵyn rásimdeý kezinde júrgizýshi baǵyty, shyǵý kúni, júk sıpattamasy, medıınalyq tekserý jáne dıspetcherdiń qoly sııaqty kóptegen derekter kórsetilýi tıis. Qujattyń bolmaýy nemese qate toltyrylýy tasymaldaýshyǵa aıyppul salýǵa negiz bolady.

Sonymen qatar, marshrýt paraqtarynyń shekteýli bolýy qujattyń naryqtaǵy baǵasyn kúrt kóterip jibergen.

«Nátıjesinde quny 1 AEK bolatyn marshrýt paraǵy tapshylyqqa baılanysty júzdegen ese qymbattap ketti», – dedi depýtat.

Jemqorlyq táýekeli jáne sheshilmegen usynystar

Depýtattyń pikirinshe, bul talaptar tek ádiletsizdik emes, jemqorlyq táýekelderine de jol ashyp otyr. 2023 jyly bul normany joıý usynylǵanmen, memlekettik organdardyń qarsy bolýyna baılanysty sheshim qabyldanbaǵan.

Najmetdınuly bul bastamany bıyl kúzde qaıta kótermek.

ıfrlyq sheshim — tıimdi jol

Májilis depýtaty halyqaralyq tájirıbege súıene otyryp, ıfrlyq marshrýt paraqtaryn engizýdi nemese qujat rásimdeý úderisin jeńildetýdi usynady. Bul reforma:

-artyq talaptardy joıady;
-qujat aınalymyn jeńildetedi;
-saladaǵy ashyqtyqty arttyrady.

Burynǵy sot úkimi

Aıta ketý kerek, 2001 jyly depýtat Saryaǵash aýdandyq sotynyń úkimimen úsh jylǵa bas bostandyǵynan aıyrylǵan bolatyn. Ol bılikti jáne qyzmettik ókilettigin asyra paıdalanyp, resmı qujattar men mórlerdi urlaǵany, joıǵany nemese jasyryp qoıǵany úshin isti boldy.