سوتتىڭ سانكتسياسىمەن پەريزات قايراتتىڭ مۇلكى بۇعاتتالدى

فوتو: اشىق دەرەككوز

سوتتىڭ سانكتسياسىمەن پەريزات قايراتتىڭ مۇلكى بۇعاتتالدى, دەپ جازدى qandastar.kz

قما قوعامدىق قايىرىمدىلىق قورىنىڭ تەڭ قۇرىلتايشىسى جانە باسشىسى پەريزات قايراتقا قاتىستى تەرگەۋدى جالعاستىرۋدا.

ەسكە سالا كەتەيىك, ول كوكتەمگى سۋ تاسقىنىنان زارداپ شەككەن ازاماتتارعا كومەك كورسەتۋ ءۇشىن, سونداي-اق پالەستينا تۇرعىندارىنا گۋمانيتارلىق كومەك كورسەتۋ ماقساتىندا جينالعان 1,7 ملرد تەڭگەدەن استام قاراجاتتى جىمقىردى دەپ كۇدىكتەلۋدە.

سوتتىڭ سانكتسياسىمەن قىلمىستىق جولمەن الىنعان قاراجاتقا ساتىپ الىنعان استانا قالاسىنداعى «Akbulak Riviera», «Highvill Ishim Gold», «كوك جايلاۋ» (تۇراق ورىندارىن قوسا العاندا), «Sensata Plaza» تك, سونداي-اق «Vela Village» كوتتەدج قالاشىعىنداعى ەليتالىق جىلجىمايتىن م ۇلىك, Mercedes-Benz S450, Mercedes-Benz EQE 500, Lexus LX-600, Haval اۆتوموبيلدەرى قاماۋعا الىندى.

پەريزات قايراتتىڭ تۇرعىلىقتى جەرىن ءتىنتۋ بارىسىندا قايىرىمدىلىققا جينالعان قاراجاتقا ساتىپ الىنعان قىمبات تەحنيكا, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada جانە ت. ب. سياقتى تانىمال الەمدىك برەندتەردىڭ كيىم, اياق كيىم, زەرگەرلىك بۇيىمدار, سومكەلەرى تابىلىپ, تاركىلەندى.

تاركىلەنگەن م ۇلىك زاتتاي دالەلدەمەلەر رەتىندە تانىلىپ, ءىس ماتەريالدارىنا قوسىلدى.

تاركىلەنگەن زاتتار بويىنشا سول انىقتايتىن بولادى.

تەرگەۋ جالعاسۋدا.

قر قپك-ءنىڭ 201-بابى تارتىبىندەگى وزگە دە اقپارات جاريا ەتۋگە جاتپايدى.

ەگەر ءسىز پەريزات قايراتتىڭ قاراجاتتىڭ, جىلجىمايتىن م ۇلىكتىڭ جانە باسقا دا م ۇلىكتىڭ (ونىڭ ىشىندە ءۇشىنشى تۇلعالارعا رەسىمدەلگەن) ورنالاسقان جەرى تۋرالى اقپاراتتى بىلسەڭىز, قارجىلىق مونيتورينگ اگەنتتىگىنە نەمەسە +7 (7172) 70-84-78, 70-84-79 (قوسىمشا ءنومىرى: 21384) تەلەفون ءنومىرى بويىنشا حابارلاسۋىڭىزدى سۇرايمىز.