«Sózderimdi burmalady»: Jýrnalıst Maııa Bekbaeva ózine taǵylǵan aıyptyń ádeıi uıymdastyrylǵanyn aıtty

Jýrnalıst Maııa Bekbaevanyń derekti fılmderiniń birinen úzindi vıdeo tarap, qoǵamda daý týdyrǵan edi. Onda Maııa Bekbaeva Alash zııalylarynyń tek orys áıelderin alǵanyn aıtqan. Qoǵam belsendileri ony «qazaq áıelderin kemsitý» dep sanady, dep habarlaıdy qandastar.kz

«V opredelıonnyı perıod ıstorıı onı bylı nekonkýrentosposobny. Potomý chto mýjchınam — predstavıtelıam kazahskoı ıntellıgenıı, obrazovannym, ývlechıonnym vysokımı elıamı — ne nýjny bylı rıadom prosto domrabotnıy ı kýharkı. Onı ıskalı jenщın, sposobnyh byt ne tolko jıonamı, no ı edınomyshlennıamı, s kotorymı mojno bylo ne tolko ınteresno pobesedovat, no ı polýchıt ennyı, mýdryı sovet… Kak govorıtsıa, lıýbov predpochıtaet ravnyh», — dedi ol vıdeoda.

Skifnews.kz jazǵandaı, alǵashqylardyń biri bolyp jýrnalıst Muhtar Túmenbaı Maııa Bekbaevany «qazaqtyń áıelderin qorlady» dep aıyptaǵan edi.

“Myna jýrnalıstsymaq vıdeosynda sol kezderi qazaq áıelderiniń orys áıelderimen salystyrǵanda básekege qabiletsiz bolǵanyn aıtyp otyr. Qazaq tarıhyna qatysty birneshe vıdeo túsirdiń eken dep, endi qazaqtardyń aralas nekesi týraly pikir aıtýǵa haqyń bar dep oılaısyń ba? Sen alashordashylar ózderine teń keletin áıelderdi izdedi deısiń. Qazaq áıelderi sol talaptarǵa saı bolmady, básekege qabiletsiz edi deısiń», – dep jazdy Muhtar Túmenbaı.
Al, tarıhshy-ǵalym Amantaı Isın jýrnalıst Maııa Bekbaevaǵa «jalǵan sensaııa retinde usynatyn fılmderin túsirýge toqtatýǵa» keńes berdi.

”Qurmetti Maııa Bekbaevaǵa tarıhı taqyryptarǵa baılanysty, ózi tereń túsinbeıtin, jalǵan sensaııa retinde usynylatyn fılmder túsirýin toqtatý qajet. Mundaı materıaldar akademııalyq, akademııalyq emes jáne aralas baǵyttaǵy tarıhshylar arasyndaǵy kelispeýshilikter men óshpendilikti kúsheıtedi. Sonymen qatar, mundaı áreketter tarıh ǵylymynyń ózine daq túsirip, folk-hıstorı men shyn máninde tarıhqa qatysy joq, jalǵan patrıottyq kózqarastardyń órshýine jol ashady», — dep jazdy tarıhshy-ǵalym.
Al Maııa Bekbaevanyń ózi buny ózine jasalǵan aqparattyq shabýyl ekenin málimdedi.

«Qurmetti dostar, meniń atyma ádeıi uıymdastyrylǵan aqparattyq shabýyl júrip jatyr. Konteksten julyp alyp, sózderimdi burmalap, montajdalǵan vıdeolar taratylyp jatyr. Bul jalǵan ári qasaqana jasalǵan áreket dep bilemin. Jalǵan aqparat taratqandar zań aldynda jaýap beredi. Meni jamandap jatqan sebebi qazaq halqynyń tarıhy jaıly buryn aıtylmaǵan taqyryptardy kóterip júrgenim. Meni tanıtyn, jumysymdy biletin myńdaǵan adamdar meniń óz halqymdy qorlaıtyndaı sóz aıtýym múmkin emes ekenin biledi. Sebebi, bul aqylǵa qonymsyz. Keıbir áleýmettik jelidegi jazbalar ádeıi qaralaý alańyna aınalǵandaı. Ashyq pikir qaldyrý arqyly jaman sózder aıtylyp jatyr. Bul pikirtalas emes, ádeıi uıymdastyrylǵan jappaı shabýyl. Qazir resmı jaýap daıyndap jatyrmyn. Barlyǵyna núkte qoıylady», dep jazdy ol óz paraqshasynda.