ء«سوزى سۇيەكتەن ءوتتى»: جابىرلەنۋشى سوتتا گۇلميرا ساتىبالدى قورقىتقانىن ايتتى

الماتىدا ءوتىپ جاتقان گۇلميرا ساتىبالدىعا قاتىستى سوتتا ءۇشىنشى جابىرلەنۋشى قاسىم ءجۇنىسوۆ ءسوز سويلەدى. ول ايىپتالۋشىنىڭ قوقان-لوقى كورسەتىپ, ۇيىنە, كولىگىنە جانە تەحنيكاسىنا قالاي قول قويۋعا ماجبۇرلەگەنىن ايتتى,-دەپ حابارلايدى Qandastar.kz

جابىرلەنۋشى اباي ءجۇنىسوۆ تۇتقىندا بولعان كەزدە, ونىڭ اعاسى قاسىم گۇلميرا ساتىبالدىمەن جەكە سويلەسۋ ءۇشىن كەڭسەگە كەلگەن. جابىرلەنۋشىنىڭ ايتۋىنشا, ول «ەگەر اعاڭدى بوساتىپ العىڭ كەلسە, بۇكىل دۇنيە-مۇلكىڭدى ساتىپ, تۋىستارىڭا حابارلا» دەگەن. «16 اقپاندا گۇلميرا كەپىلگە قويۋىمىز كەرەك دەگەننەن كەيىن ءجۇمادىلدانىڭ كومپانياسىنىڭ زاڭگەرى رەكەتير سياقتى تەلەفون سوعىپ,ءۇيىمىزدىڭ قۇجاتتارىن بەرۋىمدى تالاپ ەتتى. مەن تۇراتىن مەكەنجايدى اتاپ, بارلىق قۇجاتتى اعامنىڭ ۇيىنە الىپ كەلۋىمدى تالاپ ەتتى. ول مۇنىڭ ءبارى گۇلميرا ساتىبالدانىڭ بۇيرىعىمەن ەكەنىن ايتتى. 17-ءسى كۇنى تۇسكى اس كەزىندە ۆالەنتين كازەمير كەلدى. ول ءۇيدى باعالاۋ كەرەك ەكەنىن ايتتى. ول ءبىرىنشى, ەكىنشى قاباتىن جانە جەرتولەسىن, اعاشتار مەن گۇلدەرگە دەيىن قاراپ شىقتى.

ول فوتواپپاراتپەن سۋرەتكە ءتۇسىرىپ الدى. ءبىر كەزدە ول كەتىپ قالدى, مەن ودان نە بولىپ جاتقانىن سۇراۋعا دا ۇلگەرمەدىم. ساعات ەكىدە تاعى ءبىر ايەل كەلدى. ول دا فوتوعا ءتۇسىرىپ, باعا بەرە باستادى. ءۇيىمنىڭ بارلىق بولمەسىن سۋرەتكە تۇسىرگەنىن كورىپ, ونىڭ باعالاۋشى ەكەنىن ءتۇسىندىم, – دەيدى قاسىم ءجۇنىسوۆ.

ونىڭ سوزىنشە, 2019 جىلعى 18 اقپاندا گۇلميرا ساتىبالدى قاسىمعا ءوزى تەلەفون سوققان, كەيىن Land Cruiser 200 كولىگىن ساتىپ, قولىنا 22 ملن تەڭگە العانىن جانە قولحات جازعان. سونىمەن قاتار 68 ملن 166 مىڭ تەڭگەگە باعالانعان ءۇي دە سولاي اۋدارىلعان.

قاسىم ءجۇنىسوۆتىڭ ايتۋىنشا, بارلىق دۇنيە-مۇلكىن اۋدارعاننان كەيىن, ولار گۇلميرا ساتىبالدىعا تەلەفون سوعىپ, اباي جۇنىسوۆكە بارۋعا رۇقسات العان. قاسىم ابايدى كورۋگە اناسى مەن ءىنىسى التايدى ەرتىپ بارعان. «اباي قاراڭعىدا جاتىن بولمەسىندە جاتتى. ۇزاق سويلەسۋگە مۇمكىندىك بولمادى. انام جىلاپ جىبەردى. ولەدى دەپ قورىقتى, ويتكەنى تاماق تا بولمادى (…), – دەيدى ول.

سونداي-اق سوتتا جابىرلەنۋشىدەن گۇلميرا ساتىبالدى قوقان-لوقى كورسەتكەنى قانشالىقتى شىنايى دەپ سۇرالدى. «ونىڭ سوزدەرى شىنايى, شىندىققا جاقىن بولىپ كورىندى. ءسوزى سۇيەكتەن ءوتتى. ءتىل تيگىزىپ سويلەگەنى بىزگە ءبىرتۇرلى ەدى», – دەدى ول.