«Sózi súıekten ótti»: jábirlenýshi sotta Gúlmıra Satybaldy qorqytqanyn aıtty

Almatyda ótip jatqan Gúlmıra Satybaldyǵa qatysty sotta úshinshi jábirlenýshi Qasym Júnisov sóz sóıledi. Ol aıyptalýshynyń qoqan-loqy kórsetip, úıine, kóligine jáne tehnıkasyna qalaı qol qoıýǵa májbúrlegenin aıtty,-dep habarlaıdy Qandastar.kz

Jábirlenýshi Abaı Júnisov tutqynda bolǵan kezde, onyń aǵasy Qasym Gúlmıra Satybaldymen jeke sóılesý úshin keńsege kelgen. Jábirlenýshiniń aıtýynsha, ol «Eger aǵańdy bosatyp alǵyń kelse, búkil dúnıe-múlkińdi satyp, týystaryńa habarla» degen. «16 aqpanda Gúlmıra kepilge qoıýymyz kerek degennen keıin Jumadildanyń kompanııasynyń zańgeri reketır sııaqty telefon soǵyp,úıimizdiń qujattaryn berýimdi talap etti. Men turatyn mekenjaıdy atap, barlyq qujatty aǵamnyń úıine alyp kelýimdi talap etti. Ol munyń bári Gúlmıra Satybaldanyń buıryǵymen ekenin aıtty. 17-si kúni túski as kezinde Valentın Kazemır keldi. Ol úıdi baǵalaý kerek ekenin aıtty. Ol birinshi, ekinshi qabatyn jáne jertólesin, aǵashtar men gúlderge deıin qarap shyqty.

Ol fotoapparatpen sýretke túsirip aldy. Bir kezde ol ketip qaldy, men odan ne bolyp jatqanyn suraýǵa da úlgermedim. Saǵat ekide taǵy bir áıel keldi. Ol da fotoǵa túsirip, baǵa bere bastady. Úıimniń barlyq bólmesin sýretke túsirgenin kórip, onyń baǵalaýshy ekenin túsindim, – deıdi Qasym Júnisov.

Onyń sózinshe, 2019 jylǵy 18 aqpanda Gúlmıra Satybaldy Qasymǵa ózi telefon soqqan, keıin Land Cruiser 200 kóligin satyp, qolyna 22 mln teńge alǵanyn jáne qolhat jazǵan. Sonymen qatar 68 mln 166 myń teńgege baǵalanǵan úı de solaı aýdarylǵan.

Qasym Júnisovtiń aıtýynsha, barlyq dúnıe-múlkin aýdarǵannan keıin, olar Gúlmıra Satybaldyǵa telefon soǵyp, Abaı Júnisovke barýǵa ruqsat alǵan. Qasym Abaıdy kórýge anasy men inisi Altaıdy ertip barǵan. «Abaı qarańǵyda jatyn bólmesinde jatty. Uzaq sóılesýge múmkindik bolmady. Anam jylap jiberdi. О́ledi dep qoryqty, óıtkeni tamaq ta bolmady (…), – deıdi ol.

Sondaı-aq sotta jábirlenýshiden Gúlmıra Satybaldy qoqan-loqy kórsetkeni qanshalyqty shynaıy dep suraldy. «Onyń sózderi shynaıy, shyndyqqa jaqyn bolyp kórindi. Sózi súıekten ótti. Til tıgizip sóılegeni bizge birtúrli edi», – dedi ol.