سپورت مەكتەبىنىڭ ديرەكتورلارى ميلليونداعان اقشانى باسكە تىككەن

فوتو: اشىق دەرەككوز

زاڭ بۇزۋشىلىقتى ءوڭىردىڭ پروكۋراتۋراسى انىقتاعان.

اقتوبە وبلىسىندا بىرنەشە سپورت مەكتەبىنىڭ ديرەكتورلارى بيۋدجەت اقشاسىن ءوز قاجەتتىلىكتەرىنە جۇمساپ, بۋكمەكەرلىك كەڭسەلەردە باسكە تىككەن, دەپ حابارلايدى qandastar.kz turkystan.kz-كە سىلتەمە جاساپ.

پروكۋراتۋرانىڭ مالىمەتىنشە بالالار مەن جاسوسپىرىمدەر مەكتەپتەرىنىڭ ديرەكتورلارى سپورت الاڭدارى مەن زالداردى جالعا الۋ ءۇشىن اۋەسقوي كوماندالاردان العان اقشانى جىمقىرعان. قاراجات وڭىردەگى سپورتتى دامىتۋ ءۇشىن بيۋدجەتكە ءتۇسۋى كەرەك بولعان.

«سپورت مەكتەپتەرىنىڭ ديرەكتورلارى 6 ملن تەڭگەدەن استام اقشانى زاڭسىز جۇمساعان. ءوز قاجەتىنە جاراعان, بۋكمەكەرلىك كەڭسەلەردە باسكە تىككەن. سونداي-اق «اقتوبە» فۋتبول كومانداسىنىڭ ۇشۋىنا بيلەتتى بىرنەشە دەلدال ارقىلى قىمبات باعامەن ساتىپ العانى انىقتالدى», – دەدى پروكۋراتۋرا.

اتالعان فاكتىلەر بويىنشا سوتقا دەيىنگى ءۇش تەرگەۋ جۇرگىزىلىپ جاتىر.