Sport Qory «Barys» hokkeı klýbyna 2024 jyly 8,5 mılııard teńge bergen

Foto: Stan.kz

Qazaqstan Respýblıkasynyń týrızm jáne sport ındýstrııasyn qoldaý qory – Sport Qory 2024 jylǵy qyzmeti boıynsha qarjylyq esebin jarııalady, dep jazdy qandastar.kz

Bul týraly Stan.kz aqparat agenttigi “Dıadıa Vanıa” Telegram arnasyna silteme jasap habarlaıdy.

Qujatqa sáıkes, ótken jyly qordyń jalpy kirisi 32,263 mıllıard teńgeni (shamamen 63,2 mıllıon AQSh dollary) quraǵan.

Bul somanyń negizgi bóligi – 29 mıllıard teńge – demeýshilik kómek retinde túsken. Taǵy 1,881 mıllıard teńge – lotereıa operatorynyń aýdarymdary, al 1,312 mıllıard teńge – bos qarajatty ýaqytsha ornalastyrýdan túsken tabys boldy.

Atalǵan qarajattyń basym bóligi – 30,8 mıllıard teńge – qazaqstandyq sportty qoldaýǵa baǵyttaldy. Onyń ishinde 21,6 mıllıard teńge (42,3 mıllıon dollar) kásibı sportqa jumsaldy, bul jalpy shyǵynnyń 70 paıyzyna jýyq. Qalǵan 9,2 mıllıard teńge (18 mıllıon dollar) buqaralyq jáne ınklıýzıvti sportqa, sondaı-aq sport federaııalary men ınfraqurylymyn damytýǵa bólindi.

2024 jyly eń kóp qarjylyq qoldaýǵa ıe bolǵan kásibı sport klýbtary:

– «Barys» hokkeı klýby – 8,5 mıllıard teńge (16,64 mıllıon dollar)
– XDS Astana Team velokomandasy – 6 mıllıard teńge (11,75 mıllıon dollar)
– «Astana» fýtbol klýby – 5,3 mıllıard teńge (10,38 mıllıon dollar)
– «Astana» basketbol klýby – 1,8 mıllıard teńge (3,52 mıllıon dollar)

Sondaı-aq fýtzaldan «Qaırat» klýby 992,6 mıllıon teńge (shamamen 2 mıllıon dollar) kóleminde qoldaý aldy.

Olımpıadalyq sport túrlerine 5,5 mıllıard teńgege jýyq qarjy bólindi. Bul baǵytta tennıs, voleıbol, shańǵy jarystary, sý sporty, kúres, boks, dzıýdo, atý sporty jáne taǵy basqa ulttyq federaııalar qarjylandyryldy.

Ulttyq sport túrlerine, atap aıtqanda qazaq kúresi, kókpar, toǵyzqumalaq, jamby atý sekildi baǵyttarǵa 1,3 mıllıard teńge bólindi.

Inklıýzıvti sportqa 548 mıllıon teńge baǵyttaldy. Bul qarajat Paralımpıadalyq jáne Sýrdlımpıadalyq komıtetterge, paradzıýdo, paravoleıbol, paravelosport, erekshe qajettiligi bar jandarǵa arnalǵan hokkeı jáne basqa da sport túrlerine bólindi.

Olımpıadalyq emes sport túrlerin qoldaýǵa 477 mıllıon teńge bólindi. Qarjylandyrylǵandar qatarynda MMA sportshylary, shahmatshy Bıbisara Asaýbaeva, UFC faıteri Shavkat Rahmonov bar.

Sport ınfraqurylymyn jabdyqtaý men basqa da qosalqy jobalarǵa 198 mıllıon teńge, al buqaralyq sportqa 180 mıllıon teńge bólindi. Qoldaý alǵan jobalardyń ishinde BAQ League, Qazaqstan áýesqoı fýtbol lıgasy, sý sporty boıynsha astana federaııasy jáne t.b. bar.

Jalpy alǵanda, 2024 jyly qor qyzmetiniń basty baǵyty – kásibı sport klýbtaryn qoldaý boldy. Ásirese hokkeı, velosport jáne fýtbol salalary basymdyqqa ıe. Qordyń negizgi qarjylyq kózi – «Samuryq-Qazyna» ulttyq ál-aýqat qory, ol demeýshilik kómektiń 95 paıyzynan astamyn qamtamasyz etken.