Sport zalynan góri meshit kóp salamyz – QR eńbek sińirgen bapkeri

KSRO-nyń sport sheberi, QR eńbek sińirgen bapkeri – Amalbek Tshanov sport salasyndaǵy ózekti máseleniń birin kóterdi, dep habarlaıdy Skifnews.kz aqparat portaly.

Kóp aýylda sportzaldary jetispeıtini barlyǵymyzǵa belgili. Al keı aýyldarda shynyǵatyn zal múldem joq dese de bolady. Bapkerdiń aıtýynsha, sport nysandaryn salýdyń qıyndyǵy joq.

«Qurylysshy retinde aıtsam, qazir sport nysandaryn salýdyń esh qıyndyǵy joq. Ol kóp shyǵyndy da talap etpeıdi. Biz qazir sport zalyna qaraǵanda, meshitti kóp salamyz. Bizde «Kim kóp meshit salsa, sol peıishke barady» degen ýaǵyzdar júredi. Kimniń qashan ketetinin kim biledi?! Men meshitterdiń salynýyna qarsy emespin, biraq qazirgi kezde jastardy sportqa kóbirek tartý kerek. Sportqa beıimdelgen jastardan jaman minez shyqpaıdy. Sportshy bolý úshin árbir aýylǵa bizdiń balalar beıim keletin boks, kúres, voleıbolǵa arnalǵan sport zaldaryn salýǵa bolady. Osynyń bárin mindetteıtin úlken bir memlekettik tııanaqty baǵdarlama bolýy kerek. Memlekettiń qazir oǵan múmkindigi bar. Sportshylardyń 95%-y – shalǵaıdaǵy aýyldyń, turmysy nashar otbasylardan shyqqan balalar. Bizdegi balalar 15000 teńge shákirtaqy alatyn bolsa, sony ata-anasyna jiberedi. Qazaqstannyń sporttan bolashaǵy bar ekenine eshqandaı kúmán joq, qazaqtyń nebir talantty balalary bar. Sporttan bólek, bilimge de kúsh salýymyz kerek. Sebebi aýyldan kelgen balalardyń kóbiniń saýaty óte nashar. Eger, famılııasyn qate jazady desem, senbeıtin bolarsyz…», – dedi ol óziniń suhbatynda.