«Sportshylarǵa mıllıardtap aqsha bólinedi, bilimdi balalarǵa túk joq»: Asqar Jumadildaev ǵylymnyń nelikten damymaı jatqanyn aıtty

Foto: ashyq derekkóz

Akademık, fızıka-matematıka ǵylymdarynyń doktory Asqar Jumadildaev sportshylarǵa jasalatyn jaǵdaı bilimdi balalarǵa jasalmaıtynyn aıtyp, qynjyldy, dep habarlaıdy qandastar.kz Skifnews.kz aqparat portalyna silteme jasap.

Ǵalym buǵan deıingi Olımpıada oıyndaryn mysalǵa keltirdi. Onyń aıtýynsha, sportshylar arasynda chempıon shyqsa, bári úıip-tógip syılyq berýge qumar. Biraq birneshe jyldan keıin, bylyq ashylyp dopıngpen ustalp jatqandardy da sóz etti.

«Keshe de chempıon shyqty Olımpıadada. Bireýdiń murnyn buzyp edi, oǵan mashına da berdi, júz jylqyny da berdi, túıeni de berdi – bárin de beredi. Oılap qarasańyz, osyndaı jetistikterge matematık balalarymyz da jetip jatyr ǵoı. Matematıkadan jyl saıyn utyp jatyr. Nege solarǵa eń bolmaǵanda bireýi bir velosıped bermeıdi?! Naǵyz baı adam, meenat bolsa nege matematık balalardy qolmasqa? Bir sportshy shyqsa, oǵan úıip-tógip Úkimet te beredi, keıin dopıng bolyp shyǵa keledi. Kezinde búkil ziltemirshi dopıngpen shyǵyp, biraq eshqaısysy syılyǵyn qaıtarǵan joq», – dedi ǵalym.