«سپورتتىق مانسابىن اياقتايدى»: ءابيبانىڭ ەشكىمگە ءتىس جارىپ ايتپاعان سىرى اشىلدى

فوتو: ينستاگرام @abiba48

پاريج وليمپياداسى اياسىندا ءوتىپ جاتقان دزيۋدو باسەكەسىندە جۇلدەگە ءبىر تابان جەتە الماي قالعان ءابيبا ابۋجاقىنوۆانىڭ باپكەرى نۇربول سۇلەيمەنوۆ دزيۋدوشىنىڭ وسى ۋاقىتقا دەيىن ەشكىمگە ءتىس جارىپ ايتپاي كەلگەنىن جوسپارى بولعانىن جەتكىزدى, دەپ حابارلايدى Bugin.kz پورتالى.

«جەڭىلىپ قالعاننان كەيىن ءبىر كۇنگە دەيىن ەشكىممەن سويلەسكەن جوق. جىلاي بەردى. مەن دە ەشتەڭە ايتپادىم, سويلەسپەدىم. ونداي كەزدە بىردەمە ايتۋدىڭ ءوزى ارتىق. ەرتەسى عانا اشۋى باسىلىپ, ءوز-وزىنە كەلگەننەن كەيىن عانا سويلەستىم. قازىر كوڭىل-كۇيى دۇرىستالىپ قالدى», – دەدى باپكەر.

ءابيبا ابۋجاقىنوۆانىڭ باپكەرى شاكىرتىنىڭ سىرىمەن ءبولىستى.

«ءابيبانىڭ ءوزىنىڭ وسىعان دەيىن ەشكىمگە ايتپاي كەلە جاتقان جوسپارى بولعان. «ەگەر وسى پاريجدە جۇلدەگە قول جەتكىزىپ, چەمپيون بولسام, سپورتتىق مانسابىمدى اياقتايمىن» دەگەن. وكىنىشكە قاراي, ول جوسپارى ورىندالمادى. ەندى بۇگىن سويلەسسەم, «اعا, مەن ءبارى ءبىر, وليمپيادا جۇلدەسىن الماي سپورتپەن قوشتاسپايمىن» دەدى. نەگىزى ءابيبا وتە نامىسشىل قىز. قايسار قىز», – دەدى باپكەرى نۇربول سۇلەيمەنوۆ.

ەسكە سالايىق, بۇعان دەيىن ءابيبا ابۋجاقىنوۆا الەۋمەتتىك جەلىدەگى پاراقشاسىندا جازبا جاريالاپ, ەلدى ءتانتى ەتكەنىن حابارلاعان ەدىك.