جاڭالىقتار
ستامبۇلعا ۇشىپ بارا جاتقان ۇشاقتىڭ پيلوتى اۋەدە كوز جۇمدى
فوتو: pixabay.com
Turkish Airlines اۋە كومپانياسىنىڭ ۇشقىشى سيەتل – ستامبۇل باعىتىنداعى رەيستى ورىنداۋ بارىسىندا كوز جۇمدى. بۇل تۋرالى Stan.kz اقپارات اگەنتتىگى حابارلايدى.
اۋە كەمەسى نيۋ-يوركتە شۇعىل قونۋعا ءماجبۇر بولدى.
وقيعا 8 قازاندا بولعان. ۇشاقتىڭ 59 جاستاعى پيلوتى يلچەحين پەحليۆان اۋە ساپارى كەزىندە ەسىنەن تانىپ قالعان. ەكيپاج وعان العاشقى مەديتسينالىق كومەك كورسەتۋگە تىرىسقانىمەن, ونىڭ ءومىرىن ساقتاپ قالۋ مۇمكىن بولمادى.
ۇشاقتىڭ ەكىنشى ۇشقىشى شۇعىل تۇردە نيۋ-يوركتەگى دجون كەننەدي اۋەجايىنا قونۋعا سۇرانىس جاسادى. جولاۋشىلار ستامبۇلعا باسقا رەيستەرمەن جەتكىزىلدى.
Turkish Airlines وكىلدەرىنىڭ ايتۋىنشا, پيلوت پەحليۆان يلچەحين ۇنەمى مەديتسينالىق تەكسەرىستەردەن ءوتىپ جۇرگەن جانە دەنساۋلىعىنا بايلانىستى ەشقانداي ماسەلە انىقتالماعان. سوڭعى تەكسەرىس ناۋرىز ايىندا وتكەن.
