Stambulǵa ushyp bara jatqan ushaqtyń pıloty áýede kóz jumdy

Foto: pixabay.com

Turkish Airlines áýe kompanııasynyń ushqyshy Sıetl – Stambul baǵytyndaǵy reısti oryndaý barysynda kóz jumdy. Bul týraly Stan.kz aqparat agenttigi habarlaıdy.

Áýe kemesi Nıý-Iorkte shuǵyl qonýǵa májbúr boldy.

Oqıǵa 8 qazanda bolǵan. Ushaqtyń 59 jastaǵy pıloty Ilchehın Pehlıvan áýe sapary kezinde esinen tanyp qalǵan. Ekıpaj oǵan alǵashqy medıınalyq kómek kórsetýge tyrysqanymen, onyń ómirin saqtap qalý múmkin bolmady.

Ushaqtyń ekinshi ushqyshy shuǵyl túrde Nıý-Iorktegi Djon Kennedı áýejaıyna qonýǵa suranys jasady. Jolaýshylar Stambulǵa basqa reıstermen jetkizildi.

Turkish Airlines ókilderiniń aıtýynsha, pılot Pehlıvan Ilchehın únemi medıınalyq tekseristerden ótip júrgen jáne densaýlyǵyna baılanysty eshqandaı másele anyqtalmaǵan. Sońǵy tekseris naýryz aıynda ótken.